SEKHARAÏAH 13:7 - Khasi CL Bible (BSI)

⁷ U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

KA BAIBL

⁷ “To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 13:7 ပူးပေါင်းရင်းမြစ်များ

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

ISAÏAH 1:25

Ngan trei pyrshah ïa pha. Ngan pynkhuid ïa pha kumba pynkhuid ïa ka nar, bad ngan weng ïa ka jingbymkhuid jong pha baroh.

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 47:6

Phi kyang jam, ‘Ka waitlam jong U Trai! Katno slem phin ïai talain ïa ka? Khie leit phai noh sha ka jingsop, sah hangta bad shongthait!’

ESEKIEL 21:28

“Ko khun u briew, to ïathuhlypa. Pynbna ïa kaei kaba ma nga, U Trai Nongsynshar, nga ong ïa ki nong Ammon, kiba krenbeiñ ïa ki Israel. Ong ha ki: “ ‘Ka waitlam ka la kloi ban pynjot; ïa ka la pynphyrnai ban pynïap, ban thaba kum ka leilieh.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

ESEKIEL 7:6

Kan wan halor jong pha baroh. Kane ka long kaba kut. Phan sa jot noh.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

SEKHARAÏAH 11:4

U Trai U Blei jong nga u la ong ha nga, “To leh ïa ka bynta jong u nongaplangbrot jong ka kynhun langbrot kaba dei ban shah shohdoh.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:14

Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

MATHAÏOS 26:31

Nangta U Jisu u la ong ha ki, “Ha kane hi ka miet phi baroh phin ïaphet noh bad iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ki langbrot jong ka kynhun yn pynsakma.’

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

MARKOS 14:27

U Jisu u la ong ha ki, “Baroh na phi phin phet noh bad phin iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ka kynhun langbrot yn pynsakma.’

MARKOS 14:50

Te baroh ki synran ki la iehnoh ïa u bad ki la ïaphet noh.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 17:2

Kan kham bha ïa u lada la teh ha ka ryndang jong u ïa u mawtylliat uba heh bad bret ïa u sha ka duriaw ban ïa kaba ma u, u pynlong ïa uwei na kine kiba rit ban leh pop.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 10:30

U Kpa bad ma nga ngi long kawei.”

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 16:15

Baroh kaba U Kpa jong nga u don ka long ka jong nga; na kata ka daw nga la ong ba U Mynsiem un shim ïa kaei kaba nga ai ha u bad ïathuh ïa ka ha phi.

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

KI KAM 2:23

Kat kum ka jingthmu jong u hi, U Blei u la lah thmu lypa ba ïa U Jisu yn aiti ha phi; bad phi la pynïap ïa u da kaba shah ïa ki briew bapop ban sahnarphna ïa u.

Ka Shithi U Paul Sha Ki Nong Rom 4:25

Na ka bynta ki pop jong ngi, la aiti ïa u ban ïap, bad ïa u la pynmihpat khnang ban pynlong ka hok ïa ngi bad U Blei.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

PHILIPPI 2:6

U don borabor ïa ka jinglong U Blei; hynrei um shym pyrkhat ïa kata da ka bor ba u dei ban pyrshang ban pynlong mar ryngkat bad U Blei.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.