SEKHARAÏAH 13:1 - Khasi CL Bible (BSI)

¹ “Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

KA BAIBL

¹ “Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

SEKHARAÏAH 13:1 ပူးပေါင်းရင်းမြစ်များ

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

ESEKIEL 36:17

“Ko khun u briew,” u ong, “haba ki Israel ki dang shong ha la ka ri, ki la pyntngit ïa ka da ki rukom ba ki im bad ki leh, nga ñiew ïa ka rukom im jong ki kum ka bymkhuid kat kum ka jinglehniam kum ka kynthei ha ka por ba ka poi bnai.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 36:29

Ngan pyllait ïa phi na kata baroh kaba pyntngit ïa phi. Ngan hukum ïa u kew ba un bun kyrhai, khnang ba phin ym mad shuh ïa ki jingïapthngan.

ESEKIEL 47:1

Uta u briew u la ïalam pat ïa nga sha ka jaka rung jong ka Templ. Ka um ka dang mih napoh jong ka jaka rung bad ka tuid shaphang mihngi, ka phang sha kaba ka Templ ka phai. Ka dang tuid sharum na ka khrum jong ka bynta ka Templ kaba shathie shaduh sha palat ïa ka bynta kaba shathie jong ka duwan.

LEBITIKOS 11:36

hynrei ka umpohliew lane ka pung tong um ka ïaisah hi kaba khuid, wat la kiwei pat kiba kum dei bad ki metïap jong ki, ki kylla long ki bymkhuid.

MIKAH 5:12

Ngan pynjot ïa ki jingleh myntor kiba phi pyndonkam bad ngan iehnoh ïa phi khlem ki nongkren byrtong.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 5:4

Ki da ap ïa ka jingkhih jong ka um, namar u angel U Trai hateng hateng u ju hiar sha kata ka pungsum ban pynkhih ïa ka um. Ïa u nongpang uba nyngkong uba hiar ha ka pungsum hadien ba la pynkhih ïa ka um la pynkhiah na kano kano ka jingpang kaba u don.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.