SEKHARAÏAH 12:8 - Khasi CL Bible (BSI)

⁸ Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

KA BAIBL

⁸ Ha kata ka sngi, U Trai un da ïa ki nong Jerusalem; te ha kata ka sngi, uta uba tlot bor hapdeng jong ki un long kum u Dabid; bad ka ïing u Dabid kan long kum U Blei, kum u angel U Trai ha shuwa jong ki.

SEKHARAÏAH 12:8 ပူးပေါင်းရင်းမြစ်များ

SEKHARAÏAH 9:8

Ngan ap phira ïa ka ri jong nga bad ngan ym shah ïa ki kynhun shipai ban ïaid lyngba jong ka. Ngan ym shah shuh ïa ki nongbanbor ban banbeiñ ïa ki briew jong nga. Nga la ïohi haduh katno ki briew jong nga ki la shahshitom.”

SEKHARAÏAH 2:5

U Trai u la lah kular ba ma u hi un long ka kynroh ding sawdong ïa ka nongbah ban ïada ïa ka bad ba un shong un sah hangta ha ka burom jong u baroh.”

MIKAH 7:16

Ki jaitbynriew kin ïohi ïa kane bad kin sngewkhuslai wat hapdeng ka jingkhlaiñ jong ki baroh. Ha ka jinglyngngoh kin set ïa la ki shyntur bad tap ïa la ki shkor.

MIKAH 7:8

Ki nongshun jong ngi kim don daw ban risa beiñ halor jong ngi. Ngi la kyllon noh, hynrei ngin khie pat. Ngi don ha ka jingdum mynta, hynrei U Trai un ai jingshai ïa ngi.

JOEL 3:10

Shoh tyrnem ïa kiba nep jong ki lyngkor jong phi ban pynlong waitlam bad ïa ki wait ngor tnat dieng ban pynlong sum. Wat kiba tlot ki dei ban ïaleh thma.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:13

Nga long uba nyngkong bad uba khatduh, uba sdang bad uba kut.”

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

HOSIA 12:3

U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

JEREMAÏAH 27:10

Ki da shukor ïa phi bad kin pynlong ïa phi ban shah rah sha jngai na ka ri jong phi. Ngan beh noh shabar ïa phi, bad ïa phi yn pynjot noh.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

SALM 82:6

Nga ong, ‘Phi long ki blei,’ ‘Baroh na phi, phi long ki khun jong u Bahakhlieh Tam Eh.’

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

EKSODOS 14:19

U Angel jong U Blei uba la ju don ha khmat jong ki paid Israel u la kynriah bad u la leit shadien. U rishot lyoh ruh u kynriah noh tad haduh ba u la don hapdeng ki nong Ijipt bad ki Israel.

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

LEBITIKOS 26:8

san ngut na phi phin jop ïa ki shispah ngut, bad shispah ngut na phi phin jop ïa ki shiphew hajar ngut.

JOSHUA 23:10

Uwei uwei na phi u lah ban pynher krad shihajar ki nongïapom, namar U Trai U Blei jong phi u ïaleh na ka bynta jong phi, kumba u la kular.

SALM 8:5

Pynban me la pynlong ïa u, uba kham hapoh tang ïa me hi; me la pynphong pansngiat ïa u da ka burom bad jingpyndonburom.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

SEKHARAÏAH 10:7

Ki paid Israel kin long kiba khlaiñ kum ki shipai, kiba kmen kum ki rangbah kiba la dih waiñ. Ki khun ki ksiew jong ki kin kynmaw ïa kane ka jingjop bad kin kmen namar kaei kaba U Trai u la leh.