SEKHARAÏAH 12:3 - Khasi CL Bible (BSI)

³ Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

KA BAIBL

³ Te kan jia ha kata ka sngi, ba ngan pynlong ïa ka Jerusalem u maw bakhia ïa ki paidbah baroh; baroh kiba pynkit ïa ka ha ki yn pynmong sat ïa ki; bad ki jaid bynriew baroh ka khyndew kin ïalum lang pyrshah ïa ka.

SEKHARAÏAH 12:3 ပူးပေါင်းရင်းမြစ်များ

ISAÏAH 60:12

Hynrei ïa ki hima ki bym shakri ïa pha yn pynjot thiaw.

OBADAÏAH 1:18

“Ki briew jong u Jakob bad jong u Joseph kin long kum ka ding; kin pynjot ïa ki briew u Iso kumba ka ding ka thang ïa u phlangïap. Yn ym don uba hiarpateng na u Iso u ban lait im. Ma nga, U Trai, nga la kren.

MIKAH 5:15

Bad ha ka jingbitar bakhraw jong nga, ngan pynhiarkput ïa ki jaitbynriew baroh ki bym shym la kohnguh ïa nga.”

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

SEPHANAÏAH 3:19

Ka por ka poi! Ngan pynshitom ïa ki nongbanbeiñ jong pha; ngan pyllait im ïa baroh kiba dkoh bad ngan wallam sha ïing ïa kiba shah ringmraw. Ngan pynphai ïa ka jinglehrain jong ki sha ka jingdonburom, bad baroh ka pyrthei kan ïaroh ïa ki.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

SEKHARAÏAH 12:11

Ha kata ka por ka jingïambriew ha Jerusalem kan long kaba khraw kum ka jingïambriew na ka bynta u Hadad Rimmon ha ki pyntha jong ka Megiddo.

SEKHARAÏAH 12:4

Ha kata ka por ngan pynshyrkhei ïa ki kulai jong ki baroh bad ngan pynlong ïa ki nongshong jong ki baroh ban leh lamwir. Ngan khmih halor ki briew ka Judah, hynrei ngan pynmatlah ïa ki kulai jong ki nongshun jong ki.

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

SEKHARAÏAH 14:13

Ha kata ka por U Trai un pynlong ïa ki ba kin shaïong jingmut bad sheptieng haduh katta ba uwei uwei baroh un kem ïa u briew hajan jong u bad tur ïaleh ïa u.

SEKHARAÏAH 14:6

Haba kata ka por ka poi, yn ym don shuh ka jingkhriat lane u thah,

MATHAÏOS 21:44

Uno uno uba hap halor une u maw un shah ot lyngkhot; bad lada u maw u hap halor uno uno, un pynlwet jin ïa uta.

LOUKAS 20:18

Uno uno uba hap halor uta u maw un shah ot lyngkhot lyngkhai; bad lada uta u maw u hap halor jongno jongno, un pynlwet phum ïa uta.”

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.