SEKHARAÏAH 12:2 - Khasi CL Bible (BSI)

² “Ngan pynlong ïa ka Jerusalem kum shi khuri ka waiñ; ki jaitbynriew sawdong jong ka kin dih bad ïaid sheng sheng kum ki rangbah kiba la buaid. Bad haba ki kerkut ïa ka Jerusalem, ïa kiwei ki nongbah kiba sah jong ka Judah ruh yn kerkut.

KA BAIBL

² “Ha khmih, ngan pynlong ïa ka Jerusalem ka khuri pynshad lyngwit ha ki paidbah baroh kiba baroh sawdong, bad halor ki Judah ruh kan long ha kata ka jingker kut ïa ka Jerusalem.

SEKHARAÏAH 12:2 ပူးပေါင်းရင်းမြစ်များ

SALM 75:8

U Trai u bat ïa ka khuri ha ka kti jong u, la pyndap ïa ka da ka waiñ kaba khor jong ka jingbitar jong u. U theh noh ïa ka, bad baroh ki bymman ki dih ïa ka; ki dih ïa ka ha ban da lut.

ISAÏAH 51:17

Ko Jerusalem, to khie noh! Khie joit ïa lade bad ïeng! Pha la dih ïa ka khuri ka jingpynshitom kaba U Trai ha ka jingbitar jong u, u la ai ba phan dih; pha dih lut ïa ka, bad ka la pynlong ïa pha ban ïaid sheng sheng.

JEREMAÏAH 25:15

U Trai, U Blei ki Israel, u la ong ha nga, “Kane ka long ka khuri waiñ kaba la pyndap da ka jingbitar jong nga. Rah ïa ka sha ki jaitbynriew baroh sha kiba ngan phah ïa me, bad ai ïa ki ban dih na ka.

JEREMAÏAH 25:17

Kumta nga la shim ïa ka khuri na ka kti U Trai, nga ai dih ïa ka ha ki jaitbynriew baroh sha kiba U Trai u la phah ïa nga, bad la pynlong ïa ki ban dih na ka.

JEREMAÏAH 49:12

“Wat lada kito ki bym dei hok ban shah pynshitom ki dei ban dih na ka khuri jong ka jingpynshitom, hato phi pyrkhat ba ma phi phin lait noh khlem shah pynshitom? Em, phi dei ban dih na kane ka khuri!

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

JEREMAÏAH 51:7

Ka Babilonia ka long kum ka khuri ksiar ha ka kti jong nga, ba pynlong ïa ka pyrthei baroh kawei ban buaid. Ki jaitbynriew ki dih ïa ka waiñ bad ki kylla khleh bieit.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

HABAKKUK 2:16

Markylliang yn tap ïa phi da ka jinglehrain ha ka jaka ka burom. Phi ruh phin ïadih bad ïaid sheng sheng. U Trai un pynlong ïa phi ban dih na la ka khuri jong ka jingpynshitom, bad ka burom jong phi kan kylla sha ka jingjahburom.

SEKHARAÏAH 14:14

Ki rangbah jong ka Judah ki ïaleh ban ïada ïa ka Jerusalem. Kin shim kum ka jinglute ïa ka spah jong ki hima baroh — ka ksiar, ka rupa bad ki jaiñphong babun.

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.

JINGPYNPAW 18:6

Leh ïa ka thik kumba ka la leh ïa phi; siew kylliang ar shah ïa ka na ka bynta baroh kaba ka la leh. Pyndap ïa ka khuri jong ka da ka jingdih kaba ar shah ka jingkhor kum ka jingdih kaba ka la pynkhreh na ka bynta jong phi.