SEKHARAÏAH 12:1 - Khasi CL Bible (BSI)

¹ Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

KA BAIBL

¹ Ka jingkit ka ktien U Trai ïa ki Israel. Kumne u ong U Trai, uba siang ïa ki bneng, bad uba seng ïa ka nongrim ka khyndew, bad uba pynlong ïa ka mynsiem u briew hapoh jong u:

SEKHARAÏAH 12:1 ပူးပေါင်းရင်းမြစ်များ

JENESIS 1:8

U la khot kyrteng “Ka Sahit bneng” ïa ka lyngngun haw haw. Ka janmiet ka la leit bad ka step ka la wan — kata ka la long ka sngi kaba ar.

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

Ka Kitab U Job 26:7

U Blei u pyiar ha ka sahit bneng bashatei bad u sdien ïa ka pyrthei ha ka haw haw ba-thylli.

Ka Kitab U Job 37:18

Hato me lah ban ïarap ïa U Blei ban pynpyiar ïa ka sahit bneng bad pynlong ïa ka kaba eh kum ka nar ba la pynphyrnai?

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 134:3

To ai ba U Trai, uba la thaw ïa ka bneng bad ïa ka khyndew, un kyrkhu ïa phi na Seïon!

EKLESIASTIS 12:7

Ki met jong ngi kin kylla sha u pui pui khyndew, bad ka jingpyrsad ka jingim kan leit phai pat sha U Blei, uba la ai ïa ka ha ngi.

ISAÏAH 40:12

Don uno uno uba lah ban thew ïa ka duriaw-bah da ki lynghoh kti lane ban thew ïa ka sahit bneng da ki kti jong u? Don uno uno uba lah ban bat ïa ka khyndew jong ka pyrthei ha ka khuri lane thew ïa ki lumbah bad lumrit ha ki tarajur?

ISAÏAH 40:22

La thaw ïa ka da uta uba shong halor ka khet jong u shajrong ka khyndew bad sha lyndet ka sahit bneng; ki briew shapoh ki i rit tang kum ki dkhiew. U pynpyiar ïa ka suiñbneng kum ka pyrda, kum ka ïingjaiñ ha kaba yn shong.

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ISAÏAH 45:12

Nga long uta uba thaw ïa ka pyrthei bad pynlong ïa ki briew ban shong hangta. Da ka bor jong nga, nga pynpyiar ïa ki bneng; nga pynïaid ïa ka sngi, u bnai, bad ïa ki khlur.

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 48:13

Ki ksang'ti jong nga ki la buh ïa ki nongrim jong ka pyrthei bad kiba pyiar sha ki bneng. Haba nga phah khot ïa ka pyrthei bad ïa ka suiñbneng, ki wan kumne kumne bad aiti ïa lade.

ISAÏAH 51:13

Hato phi la klet ïa U Trai uba la thaw ïa phi, uba pynïar ïa ki bneng bad uba pynïeng ïa ki nongrim ka pyrthei? Balei phi im ha ka jingïai-sheptieng ïa ka jingbitar shla jong kito kiba banbeiñ ïa phi, jong kito kiba long ba la kloi ban pynjot ïa phi? Ka jingbitar shla jong ki kam lah shuh da lei lei ban ktah ïa phi.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

JEREMAÏAH 10:12

U Trai u la thaw ïa ka khyndew da ka bor jong u; da ka jingstad jong u, u la thaw ïa ka pyrthei bad u la pyiar pynïar ïa ki bneng.

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

JEREMAÏAH 38:16

Kumta u syiem Sedekaïah u la kular ïa nga ha kaba rieh, “Nga smai da U Blei uba im, U Blei uba ai jingim ïa ngi, ba ngan ym pynïap ïa phi lane ai noh ïa phi sha ki briew kiba kwah ban pynïap ïa phi.”

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

JEREMAÏAH 51:15

U Trai u la thaw ïa ka khyndew da ka bor jong u; da la ka jingstad u la thaw ïa ka pyrthei bad pynïar ïa ki bneng.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

JOEL 3:19

“Ka Ijipt kan kylla long ka ri shyiap, bad ka Edom kan long ha ka jingjot lehnoh-ei, namar ki la tur ïaleh ïa ka ri Judah bad pynïap ïa ki briew balui lui jong ka.

SEKHARAÏAH 9:1

Kane ka long ka khubor jong U Trai: U la rai pynshitom ïa ka ri Hadrakh bad ïa ka nongbah Damaskos. Ym tang ki jait Israel hynrei ka nongbah Syria ruh ka long ka jong U Trai.

MALAKHI 1:1

Kane ka dei ka khubor kaba U Trai u la ai ha u Malakhi ban ïathuh ïa ki paid Israel.

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.