SEKHARAÏAH 11:9 - Khasi CL Bible (BSI)

⁹ Nangta nga la ong ha ka kynhun langbrot, “Ngan ym long shuh u nongaplangbrot jong phi. Ai kin ïap kito kiba dei ban ïap. Ai ba yn pynjot kito kiba dei ban shah pynjot. Kito kiba dang sah kin pynjot iwei ïa iwei pat.”

KA BAIBL

⁹ Ynda kumta, nga la ong, “Ngan ym bsa ïa phi: kata kaba ïap, ai kan ïap; bad kata ka ban duh noh, ai kan duh noh; bad kita kiba la pynsah noh ai kin bam kawei kawei ïa ka doh jong kawei pat.”

SEKHARAÏAH 11:9 ပူးပေါင်းရင်းမြစ်များ

JEREMAÏAH 19:9

U nongshun un kerkut ïa ka nongbah bad pyrshang ban pynïap ïa ki briew. Ka jingkerkut kaba shyrkhei katta katta ba ki briew hapoh ka nongbah kin ïabam iwei ïa iwei pat bad wat ïa la ki khun.”

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 23:39

te ïathuh ïa ki ba da shisha ngan shim trait ïa ki, bad ngan bret noh ïa ki sha jngai na nga, ïa ki bad ïa ka nongbah kaba nga la ai ha ki bad ha ki kpa tymmen jong ki.

JEREMAÏAH 43:11

U Nebukhadnessar un wan bad jop ïa ka Ijipt. Kito ki briew kiba la dei ban ïap na ka jingpang kin ïap ha ka jingpang, kito kiba dei ba yn ïalam kum ki koidi yn ïalam ïa ki kum ki koidi, bad kito kiba la dei ban sha pynïap ha ka thma kin ïap ha ka thma.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

SEKHARAÏAH 13:8

bad ha kylleng ka ri, ar na ka lai bynta ki briew kin ïap.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 8:21

U Jisu u la ong biang ha ki, “Ngan leit noh; phin ïawad ïa nga, hynrei phin ïap ha ki pop jong phi. Phim lah ban leit shano sha ba ngan leit.”

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

JINGPYNPAW 22:11

Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”