SEKHARAÏAH 11:6 - Khasi CL Bible (BSI)

⁶ (U Trai u la ong, “Ngan ym isynei shuh ïano ïano ha ka pyrthei. Ma nga da lade ngan buh ïa ki briew baroh hapoh ka bor jong ki nongsynshar jong ki. Kine ki nongsynshar kin pynjot ïa ka pyrthei, bad ngan ym pyllait ïa ka na ka bor jong ki.”)

KA BAIBL

⁶ Naba ngan ym isynei shuh ïa kiba shong ha ka ri,” ong U Trai: “hynrei, ha khmih, ngan ai noh ïa ki briew uwei uwei baroh ha ka kti u paramarjan jong u, bad ha ka kti u syiem jong u: te kin pom ïa ka ri, bad ngan ym pyllait ïa ki na ka kti jong ki.

SEKHARAÏAH 11:6 ပူးပေါင်းရင်းမြစ်များ

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 3:5

Uwei pa uwei un shim kabu ïa uwei pat. Ki samla kin ym burom ïa ki rangbah, bad ki riewpoh kin ym burom ïa kiba halor jong ki.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.

SNGEWSYNEI 5:8

Ïa ngi la synshar da ki rangbah kiba long kum ki mraw hi, bad ym don mano mano ban pyllait im ïa ngi na ka bor jong ki.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

ESEKIEL 9:10

Hynrei ngan ym isynei ïa ki, Ngan leh ha ki ïa kaei kaba ma ki, ki la leh ïa kiwei.”

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

HOSIA 2:10

Ngan law lyngkhuit ïa ka ha khmat kiba ieit jong ka, bad yn ym don uno uno ruh uba lah ban pyllait ïa ka na ka bor jong nga.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 6:14

Phin bam, hynrei phin ym sngewhun — ha ka jingshisha phin dang ïai thngan hi. Phin rah bak ïa kiei kiei, hynrei phin ym lah ban ri ïa ki; ïa kino kino kiba phi lah ban ri, ngan pynjot ïa ki ha ka thma.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

SEKHARAÏAH 11:14

Nangta nga la kdiah ïa u dieng uba ar, uta uba la khot “U Jingtylli,” bad ïa ka jingtylli jong ka Judah bad ka Israel la pynkhynñiuh.

SEKHARAÏAH 11:5

Ki trai jong ki, ki pynïap ïa ki bad ki lait na ka jingshah pynshitom. Ki die ïa ka doh bad ki ong, ‘To ïaroh ïa U Trai! Ngi la riewspah!’ Wat ki nongaplangbrot jong ki hi kim don jingisynei ïa ki.”

SEKHARAÏAH 11:9

Nangta nga la ong ha ka kynhun langbrot, “Ngan ym long shuh u nongaplangbrot jong phi. Ai kin ïap kito kiba dei ban ïap. Ai ba yn pynjot kito kiba dei ban shah pynjot. Kito kiba dang sah kin pynjot iwei ïa iwei pat.”

SEKHARAÏAH 14:13

Ha kata ka por U Trai un pynlong ïa ki ba kin shaïong jingmut bad sheptieng haduh katta ba uwei uwei baroh un kem ïa u briew hajan jong u bad tur ïaleh ïa u.

SEKHARAÏAH 8:10

Ha shuwa kata ka por ym don mano mano ba lah bor ban wai la ïa ki mrad lymne ki briew, ban ym don mano mano ba lait na ki nongshun jong u. Nga la pynphai ïa ki briew pyrshah iwei ïa iwei pat.

MALAKHI 4:6

Un wallam lang ïa ki kpa bad ki khun sa shisien; lym kumta ngan hap ban wan bad pynjot ïa ka ri jong phi.”

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.

MATHAÏOS 24:10

Shibun kin iehnoh ïa ka jingngeit jong ki ha kata ka por; kin ïashetkylla iwei ïa iwei pat bad kin isih iwei ïa iwei pat.

ÏOANNIS 19:15

Ki la pyrta biang, “To pynïap noh ïa u! Pynïap noh ïa u! Sahnarphna ïa u!” U Pilat u la kylli ïa ki, “Phi kwah ïa nga ba ngan sahnarphna ïa u syiem jong phi?” Ki rangbah lyngdoh ki la jubab, “U syiem uba ngi don u dei tang u Patsha!”

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.