SEKHARAÏAH 11:5 - Khasi CL Bible (BSI)

⁵ Ki trai jong ki, ki pynïap ïa ki bad ki lait na ka jingshah pynshitom. Ki die ïa ka doh bad ki ong, ‘To ïaroh ïa U Trai! Ngi la riewspah!’ Wat ki nongaplangbrot jong ki hi kim don jingisynei ïa ki.”

KA BAIBL

⁵ kiba ki trai jong ki, ki pynïap ïa ki, te kim ñiew pop ïa lade; bad kita kiba die noh ïa ki, ki ong, ‘Long ba la kyrkhu ïa U Trai, namar nga la riewspah’: bad ki nongsharai jong ki hi kim isynei ïa ki.

SEKHARAÏAH 11:5 ပူးပေါင်းရင်းမြစ်များ

2 SYIEM 4:1

Ka riewkynthei jong u dkhot ka kynhun ki nongïathuhlypa ka la leit sha u Elisha bad ka ong, “Kynrad, u tnga jong nga u la ïap! Kumba phi tip, u dei u briew uba sheptieng ïa U Blei, hynrei mynta u briew uba ai ram ïa u, u la wan ban shim noh ïa ki ar ngut ki khun shynrang jong nga ban long ki mraw kum ka jingsiew ïa ka ram u tnga jong nga.”

NEHEMAÏAH 5:8

“Katba ngi lah, ngi la ïathied pat ïa ki para Jiw ïa kiba la die sha ki nongwei. Mynta phi pynlong ïa la ki para ki hynmen jong phi ban die ïa lade ha phi, ki para Jiw jong ki!” Ki nongïalam ki la sngap jar bad kim don ei ei ban ong.

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

ESEKIEL 34:10

Ma nga, U Trai Nongsynshar, nga pynbna ba nga long u nongshun jong phi. Ngan shim noh ïa ki langbrot jong nga na phi, bad ngan ym shah shuh ba phin long ki nongsharai jong ki; ngan ym shah shuh ba phin sumar bha tang ïa lade. Ngan pyllait im ïa ki langbrot jong nga na phi bad ngan ym shah ba phin bam ïa ki.

ESEKIEL 34:21

Phi kyndat sharud ïa kiba pang bad phi ñiat ïa ki shabar na ka kynhun.

ESEKIEL 34:6

Kumta ki langbrot jong nga ki ïaid sakma sha ki lumrit bajrong bad ki lumbah. La pynsakma ïa ki kylleng ka pyrthei, bad ym don ba ïit ïa ki ne pyrshang ban wad ïa ki.

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

HOSIA 12:9

Hynrei ma nga, U Trai U Blei jong phi uba la ïalam ïa phi na Ijipt, ngan pynlong ïa phi ban sah biang ha ki ïingjaiñ, kumba phi la leh mynba nga wan sha phi ha ka ri shyiap.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

ÏOANNIS 10:1

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

JINGPYNPAW 18:13

bad ïa ka siasia, ki musla, ïa ka jingiwbih, ka mirr, bad ka jingiwbih remdor; ïa ka waiñ bad ka umphniang Olib, ïa u 'purew bad u kew, ïa ki jingri bad ki langbrot, ïa ki kulai bad ki kali kulai, ïa ki mraw bad wat ïa ki mynsiem briew ruh.

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.