SEKHARAÏAH 11:3 - Khasi CL Bible (BSI)

³ Ki nongsynshar ki kyang jam ha ka jingsngewsih; ka burom jong ki ka la leit noh! To pynshahshkor ïa ka jingkyrhuh jong ki sing; ïa ka ïing khlaw jong ki ha shi lynter jong ka Jordan la pynjot.

KA BAIBL

³ Ka jingsawa ka jinglynñiar ki nongsharai! naba la lute ïa ka burom jong ki: ka jingsawa ka jingkyrhuh ki sing samla! naba la lute ïa ka jingsarong ka Jordan.

SEKHARAÏAH 11:3 ပူးပေါင်းရင်းမြစ်များ

SALM 22:21

Pyllait ïa nga na kine ki sing; ngam lah leh ei ei ha khmat kine ki masi prut.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JEREMAÏAH 50:44

“Kum u sing uba wan mih na ki khlaw barben kiba don shi lynter ka rud Jordan haduh ka jaka phlang bajyrngam, ma nga, U Trai, ngan wan bad ngan pynlong ïa ki nong Babilonia ban phet krad kynsan na ka nongbah jong ki. Te u nongïalam uba nga jied un synshar ïa ka hima. Mano ban ïanujor bad nga? Uno uba nud ban wan kob ïa nga? Uei u nongsynshar uba lah ban ïeng pyrshah ïa nga?

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

ESEKIEL 19:2

A katno kmie jong phi ka la long kum ka sing! Ka la pynheh pynsan ïa ki khun jong ka hapdeng ki sing shynrang kiba ishyrkhei.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

AMOS 8:8

Bad kumta ka khyndew kan khynñiuh, bad uwei pa uwei ha ka ri un long ha ka jinglanot. Ka ri baroh kawei kan khynñiuh; kan kiew bad kan hiar kum ka wah Nile.

SEPHANAÏAH 1:10

“Ha kata ka sngi,” ong U Trai, “phin ïohsngew ïa ka jingsawa ka jingïam ha ka Khyrdop Dohkha ha Jerusalem. Phin ïohsngew ka jingud ha ka bynta bathymmai jong ka nongbah bad ka jingsawa bajam jong ka jingkhyllem ha ki lumrit.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

SEKHARAÏAH 11:2

To ïam bad to ud, ko dieng Kseh-Sypress — ki Kedar ki la kyllon; ïa kito ki dieng badonburom la pynjot! To ïam bad to ud, ko ki dieng Sning jong ka Bashan — ïa ka khlaw kaba rben la khet noh!

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.