SEKHARAÏAH 11:12 - Khasi CL Bible (BSI)

¹² Nga la ong ha ki, “Lada phi mon, to ai ïa ka bainong jong nga. Hynrei lada kam long kumta, to bat noh ïa ka.” Kumta ki la siew ïa nga laiphew tylli ki sbai rupa kum ka bainong jong nga.

KA BAIBL

¹² Te nga la ong ha ki, “Lada phi ibit, to ai ha nga la ka bainong; lymda kumta te, to ieh.” Kumta, ki la thew ïa ka bainong jong nga laiphew ki sbai rupa.

SEKHARAÏAH 11:12 ပူးပေါင်းရင်းမြစ်များ

JENESIS 23:16

U Abraham u la mynjur bad u la thew ïa kata ka dor kaba u Ephron u la ong ha ka jingïohsngew lang kita ki briew — sawspah tylli ki sbai rupa kat kum ka jingthew ba la pyndonkam da ki nongkhaïi.

JENESIS 37:28

Ki hynmen jong u ki ïamynjur, bad haba katto katne ki nongkhaïi na Midian ki ïaid lynti nangta, ki hynmen ki la sei noh ïa u Joseph na kata ka pukri bad ki la die noh ïa u ha kita ki nong Ishmael arphew tylli ki sbai rupa, bad ki ruh ki la ïalam noh ïa u sha Ijipt.

1 SYIEM 21:2

Ha kawei ka sngi u Ahab u ong ha u Naboth, “Ai noh ïa kane ka bri sohwaiñ jong me ha nga ba ngan pynlong ka kper jhur ïa ka, namar ka don harud ka ïingsyiem jong nga. Ngan ai pli ïa me da ka bri sohwaiñ kaba kham bha ha ka jaka jong ka, lane, lada me sngewdei, ngan da siewdor kaba biang ïa ka.”

1 SYIEM 5:6

Kumta phah ïa ki rangbah jong me sha Lebanon ban pynngat ïa ki dieng Kedar na ka bynta jong nga. Ki rangbah jong nga kin ïatreilang bad ki, bad ngan siew ïa ki rangbah jong me kat kaba me pynbeit. Kumba me tip bha, ki rangbah jong nga kim tip kumno ban pynngat ïa ki dieng kumba ki jong me ki tip.”

2 KHRONIKL 30:4

U syiem bad ki paidlang ki la sngewbha ïa kata ka jingpynbeit jong ki,

EKSODOS 21:32

Lada uta u masi kyrtong u pynïap ïa u mraw, shynrang ne kynthei, uta u trai masi u dei ban siew ïa u kynrad jong uta u mraw laiphew ki sbai rupa, bad ïa uta u masi dei ban lynthem maw.

JEREMAÏAH 32:9

Nga la thied ïa ka lyngkha na u Hanamel bad nga thew ïa ka pisa na ka bynta jong u; ka shongdor khathynñiew lyngkhot ki sbai rupa.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 26:15

bad u la kylli, “Phin ai aïu ïa nga lada nga shetkylla ïa U Jisu ha phi?” Ki la ñiew laiphew tylli ki sbai rupa bad ki la ai ïa kita ha u.

MATHAÏOS 27:10

bad ki la pyndonkam ïa ka pisa ban thied ïa ka lyngkha u nongthaw khiew, kumba U Trai u la hukum ïa nga.”

MATHAÏOS 27:9

Te kaei kaba u Jeremaïah u Nongïathuhlypa u la lah ong, ka la urlong shisha: “Ki la shim ïa ki laiphew tylli ki sbai rupa, ka dor kaba ki paid Israel ki la mynjur ban siew na ka bynta jong u,

ÏOANNIS 13:2

U Jisu bad la ki synran ki dang ïabam jingbam miet. U Ksuid u la bsuh lypa ha ka dohnud jong u Judas, u khun jong u Simon Iskariot, ka jingpyrkhat ban shetkylla ïa U Jisu.