SEKHARAÏAH 10:9 - Khasi CL Bible (BSI)

⁹ Wat la nga la pynsakma ïa ki hapdeng ki jaitbynriew, pynban ha ki jaka kiba jngai eh kin kynmaw ïa nga. Ma ki bad ki khun jong ki kin lait im bad kin wan phai lang sha ïing.

KA BAIBL

⁹ Bad ngan bet ïa ki hapdeng ki kynja bynriew; bad kin kynmaw ïa nga ha ki ri kiba jngai: bad kin ïashong lem bad la ki khun, bad kin ïoh phai pat.

SEKHARAÏAH 10:9 ပူးပေါင်းရင်းမြစ်များ

NEHEMAÏAH 1:9

Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

ESTHER 8:17

Ha kawei pa kawei ka nongbah bad probins, hangno hangno ba la pule ïa ka jingpynbna u syiem, ki Jiw ki pynlong ki shuti lehkmen ryngkat bad ki jingkhawai sngewbha bad jingkmen. Ha ka jingshisha, bun kiwei ki briew ki la kylla Jiw, namar mynta ki la sheptieng ïa ki.

ISAÏAH 44:21

U Trai u ong, “Ko Israel to kynmaw ïa kane; kynmaw ba phi long u shakri jong nga. Nga la thaw ïa phi ban long u shakri jong nga, bad ngan ym klet ïa phi.

ISAÏAH 64:4

Ym pat ju don ba ïohi lane ïohsngew ïa U Blei uba kum ma me, uba leh ïa kiba kum kita ki kam na ka bynta kito kiba ap kyrmen ha u.

ISAÏAH 65:23

Ki jingtrei ba kin trei kin manbha, bad ki khun jong ki kin ym mad ïa ka jingjynjar. Ngan kyrkhu ïa ki bad ïa ki khun ki ksiew jong ki ha ki por ki ban wan baroh.

ISAÏAH 65:9

Ngan kyrkhu ïa ki khun Israel kiba dei na ka jait Judah, bad ki khun ki ksiew jong ki kin ïohkynti ïa ka ri jong nga kaba ha ki lumbah. Ki briew ba la jied jong nga, kiba shakri ïa nga, kin shong hangta.

JEREMAÏAH 31:27

“Ma nga, U Trai, nga ong ba ka por kan wan haba ngan pyndap ïa ka ri Israel bad Judah da ki briew bad ki mrad.

JEREMAÏAH 51:50

U Trai u ong ha ki briew jong u kiba don ha Babilonia: “Phi la lait na ka jingïap! Mynta to leit! Wat ap! Wat la phi don jngai na ïing, pyrkhat shaphang jong nga, U Trai jong phi, bad kynmaw ïa ka Jerusalem.

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

AMOS 9:9

“Ngan ai ka hukum, bad ngan kyrsih ïa ki paid Israel kum ïa u kew. Ngan kyrsih ïa ki hapdeng ki jaitbynriew ban weng ïa kita baroh ki bymdondor.

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

KI KAM 8:1

Bad u Saul u la mynjur ïa ka jingpynïap ïa u Stephan. Ha kata hi ka sngi, ka balang ha Jerusalem ka la sdang ban mad ïa ka jingpynshitom beiñ kaba shyrkhei. Baroh ki riewngeit, lait noh ki apostol, ki la sakma sha kylleng jong ki thain ka Judia bad ka Samaria.

KI KAM 8:4

Kita ki riewngeit ïa kiba la pynsakma ki la leit kylleng, ki da ïalap ïa ka khubor.

Ka Shithi U Paul Sha Ki Nong Rom 11:24

Ma phi ki Jentil phi long kum ka tnat jong u dieng Olib khlaw ïa uba la pynkheiñ bad nangta, pyrshah ïa ka jinglong tynrai, la pynïasoh bad u dieng Olib ba la thung. Ki Jiw ki long kum une u dieng uba la thung; bad kan long kaba kham suk ïa U Blei ban pynïasoh biang ïa kine ki tnat ba la pynkheiñ sha ki dieng jong ki hi.