SEKHARAÏAH 10:7 - Khasi CL Bible (BSI)

⁷ Ki paid Israel kin long kiba khlaiñ kum ki shipai, kiba kmen kum ki rangbah kiba la dih waiñ. Ki khun ki ksiew jong ki kin kynmaw ïa kane ka jingjop bad kin kmen namar kaei kaba U Trai u la leh.

KA BAIBL

⁷ Bad ki jong ki Ephraim kin long kum u rangbah bakhlaiñ, bad ki dohnud jong ki kin shadkmen kum da ka Waiñ: shisha keiñ, ki khun jong ki kin ïohi ïa kata, bad kin shadkmen; ka dohnud jong ki kan leh kmen ha U Trai.

SEKHARAÏAH 10:7 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 43:34

La sam jingbam ïa ki na ka miej u Joseph, bad ïa u Benjamin la sam san shah ban ïa uno uno na ki. Kumta keiñ ki la ïabam ïadih bad leh sngewbha bad u Joseph.

SALM 102:28

Ki khun jong ngi kin im hapdeng ka jingshngain, bad hapoh ka jingïada jong me ki khun ki ksiew jong ki kin skhem.

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

SALM 13:5

Nga shaniah ha ka jingieit baneh jong me; ngan sngewkmen, namar men pyllait ïa nga.

SALM 28:7

U Trai u ïada bad u kyrshan ïa nga; nga shaniah ha u. U ai jingïarap ïa nga bad pynsngewbha ïa nga; ngan ïaroh ïa u bad ki jingrwai kmen.

SALM 33:21

Ngi la kmen namar jong u, ngi shaniah ha ka kyrteng bakhuid jong u.

SALM 90:16

Ai ha ngi, ki shakri jong me ban ïohi ïa ki kam kiba donbor jong me; ai ba ki khun ki ksiew jong ngi kin ïohi ïa ka borbah badonburom jong me.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 38:19

Dei kiba im kiba ïaroh ïa me, kumba nga ïaroh ïa me mynta. Ki kpa ki ïathuh ïa la ki khun katno me long uba ïaineh.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

ESEKIEL 37:25

Kin shong ha ka ri ba nga la ai ha u shakri jong nga u Jakob, ka ri ha kaba ki kpa tymmen jong ki, ki shong ki sah. Kin shong junom hangta, bad kumta ruh ki khun jong ki bad baroh kiba hiarpateng na ki. U syiem uba kum u shakri jong nga, u Dabid un synshar halor jong ki junom.

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

HABAKKUK 3:18

Ngan ïai lehkmen bad shadkmen, namar U Trai U Blei u long u nongpynim jong nga.

SEPHANAÏAH 3:14

To rwai bad risa da ka jingkmen, ko ki paid Israel! To shadkmen da la ka dohnud baroh, ko Jerusalem!

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

LOUKAS 1:47

ka mynsiem jong nga ka shadkmen namar U Blei U Nongpynim jong nga,

ÏOANNIS 16:22

Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.

KI KAM 2:26

Bad kumta la pyndap ïa nga da ka jingkmen, bad ki kyntien jong nga ki dap da ka jingkmen. Bad ma nga, la nga long tang u briew, ngan ym khuslai ha ka jingkyrmen,

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

PHILIPPI 4:4

Ai ba phin shadkmen borabor ha U Trai; nga ban biang ïa ka: To ïakmen.

1 PETROS 1:8

Phi ieit ïa u, wat haba phim pat ïohi ïa u, bad phi ngeit ha u, wat la phim pat ïohi ïa u mynta. Te phi shadkmen da ka jingkmen kaba khraw bad kaba dap da ka burom kiba ki ktien kim lah ban batai,

1 SAMUEL 2:1

Ka Hannah ka la duwai: “U Trai u la pyndap ïa ka dohnud jong nga da ka jingkmen; katno nga sngewtynnat namar kaei kaba u la leh! Nga rkhie ïa ki nongshun jong nga; katno nga shadkmen namar ba U Blei u la ïarap ïa nga.