SEKHARAÏAH 10:6 - Khasi CL Bible (BSI)

⁶ “Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

KA BAIBL

⁶ “Bad ngan pynkhlaiñ ïa ka ïing Judah, bad ngan pynim ïa ka ïing u Joseph, bad ngan wallam ïa ki pat, naba nga la isynei ïa ki; bad kin long kumta kumba ngam shym la kyntait ïa ki: naba nga long U Trai U Blei jong ki, bad ngan shahshkor ïa ki.

SEKHARAÏAH 10:6 ပူးပေါင်းရင်းမြစ်များ

SALM 89:21

Ka jingkhlaiñ jong nga kan ïai don sah bad u, ka bor jong nga kan pynkhlaiñ ïa u.

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

ISAÏAH 54:8

Nga la phai noh da ka jingbitar tang shipor, hynrei ngan pyn-i ha pha ïa ka jingieit jong nga junom.” Kumta u ong U Trai uba pynim ïa pha.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 30:20

Ngan pynïoh pat ïa ka bor mynbarim jong ka jaitbynriew bad pynskhem biang ïa ka; ngan pynshitom ïa baroh kiba banbeiñ ïa ki.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:31

U Trai u ong, “Ka por kan poi haba ngan sa pynlong ïa ka jutang bathymmai bad ki paid Israel bad ki paid Judah.

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

ESEKIEL 37:16

“Ko khun u briew,” u ong, “shim ïa u lyngkhot dieng bad thoh ha u ïa ki ktien ‘Ka Hima Judah.’ Nangta shim sa uwei pat u lyngkhot dieng bad thoh ha u ïa kine ki ktien: ‘Ka Hima Israel.’

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

OBADAÏAH 1:18

“Ki briew jong u Jakob bad jong u Joseph kin long kum ka ding; kin pynjot ïa ki briew u Iso kumba ka ding ka thang ïa u phlangïap. Yn ym don uba hiarpateng na u Iso u ban lait im. Ma nga, U Trai, nga la kren.

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

MIKAH 4:6

“Ka por kan poi,” ong U Trai, “haba ngan lumlang ïa ki briew kiba nga la pynshitom, kito kiba la shahshitom ha ka jingshah ringmraw.

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 7:16

Ki jaitbynriew kin ïohi ïa kane bad kin sngewkhuslai wat hapdeng ka jingkhlaiñ jong ki baroh. Ha ka jinglyngngoh kin set ïa la ki shyntur bad tap ïa la ki shkor.

SEKHARAÏAH 1:16

Kumta nga la wan phai pat sha Jerusalem ban pyn-i jingisynei ïa ka nongbah. Yn pynïeng pat ïa ka Templ jong nga, bad ïa ka nongbah yn tei pat.”

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

SEKHARAÏAH 8:11

Hynrei mynta nga leh ha ka rukom ba kham pher ïa kiba lait im jong kane ka jaitbynriew.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.