SEKHARAÏAH 10:4 - Khasi CL Bible (BSI)

⁴ Napdeng jong ki, kin wan ki nongsynshar, ki nongïalam, bad ki rangbah ai hukum ki ban synshar ïa ki briew jong nga.

KA BAIBL

⁴ Na u, un mih u mawdong, na u, u prek, na u, ka ryntieh ïaleh thma, na u, u nongsynshar, baroh lang.

SEKHARAÏAH 10:4 ပူးပေါင်းရင်းမြစ်များ

JENESIS 49:24

Hynrei ka ryntieh jong u ka neh khlem khih, Bad ïa ki ksang'ti jong u la pynkhlaiñ Da ka bor jong U Blei Uba Khlaiñbor jong u Jakob, Da u Nongap langbrot, U nongïada jong ki Israel.

ESRA 9:8

Mynta, na ka bynta khyndiat por, A Trai U Blei jong ngi, me la leh-isynei ïa ngi bad me la shah ïa katto katne na ngi ban lait na ka jinglongmraw bad ban shong ban sah ha ka jingshngain ha kane ka jaka bakhuid. Me la pyllait ïa ngi na ka jinglongmraw bad ai pat ka jingim bathymmai.

SALM 118:22

U maw uba ki nongtei ki la kyntait kum u bymdondor u la jia long uba donkam eh na baroh.

ISAÏAH 19:13

Ki nongïalam jong ka Soan bad jong ka Memphis ki dei ki bieit. La khmih lynti ïa ki ban ïalam ïa ka ri, hynrei ki la ïalam bakla ïa ka.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

ISAÏAH 49:2

U la pynlong ïa ki ktien jong nga kiba nep kum ka waitlam. Da la ka kti u ïada ïa nga. U la pynlong ïa nga kum u khnam, uba nep bad ba la biang ban pyndonkam.

ISAÏAH 54:16

“Nga la thaw ïa u nongshoh-nar, uba pyrsad ïa ka ding bad shna ïa ki tiar thma. Nga la thaw ruh ïa u shipai, uba pyndonkam ïa ki tiar ïapom ban pynïap.

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

JEREMAÏAH 51:20

U Trai u ong, “Ko Babilonia, pha long u tyrnem jong nga, ka atiar jong nga ha ka thma. Nga la pyndonkam ïa pha ban ïuhroit ïa ki jaitbynriew bad ïa ki hima,

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”

SEKHARAÏAH 9:8

Ngan ap phira ïa ka ri jong nga bad ngan ym shah ïa ki kynhun shipai ban ïaid lyngba jong ka. Ngan ym shah shuh ïa ki nongbanbor ban banbeiñ ïa ki briew jong nga. Nga la ïohi haduh katno ki briew jong nga ki la shahshitom.”

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

MATHAÏOS 9:38

To kyrpad ïa U Trai ka jingot ba un phah ïa ki nongtrei ban ïalumlang ha ka jingot jong u.”

LOUKAS 20:17

U Jisu u la khmih sha ki bad u la kylli, “Aïu, te, kane ka Jingthoh Bakhuid ka kit jingmut? “ ‘U maw ïa uba ki nongtei ki la kyntait kum u bymmyntoi u la kylla long uba donkam tam na baroh.’

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

2 TIMOTHI 2:4

U shipai ha ka jingtrei minot u kwah ban pynsngewbha ïa la u rangbah shipai bad kumta um ïakhleh bad ki kam ha ka jingim kaba ïadei lang.

1 PETROS 2:6

Naba ka Jingthoh Bakhuid ka ong, “Nga la jied ïa u maw uba kordor ïa uba nga buh kum u mawdong ha Seïon; bad uno uno uba ngeit ha u un ym noh mynsiem da lei lei.”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

1 SAMUEL 14:38

Te u Saul u ong ha ki nongïalam jong u paidbah, “Ale hangne bad wad ka pop aïu la leh ha kane ka sngi.