SEKHARAÏAH 10:3 - Khasi CL Bible (BSI)

³ U Trai u ong, “Nga bitar ïa kito ki nongwei kiba synshar ïa ki briew jong nga, bad ngan pynshitom ïa ki. Ki paid Judah ki long ki jong nga, bad ma nga, U Trai Badonbor Baroh, ngan sumar ïa ki. Kin long ki kulai thma badonbor jong nga.

KA BAIBL

³ “Ka jingbitar jong nga ka la meh pyrshah ïa ki nongsharai, te ngan pynshitom ïa ki 'lang shynrang: naba U Trai ki paid u la wan-i ïa la ka kynhun, ka ïing Judah, bad un pynlong ïa ki kum la u kulai ba-itynnad ha ka thma.

SEKHARAÏAH 10:3 ပူးပေါင်းရင်းမြစ်များ

Ka Kitab U Job 39:25

Ha man ba riew ka turoi ki pah sngewshyrkhei; ki lah ban iw ïa ka thma ha shuwa ba kin poi hajan, bad ki sngew ïa ka sur hukum jong ki rangbah shipai.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

PROBERB 21:31

Phi lah ban pynkhreh ïa ki kulai na ka bynta ka thma, hynrei dei U Trai uba ai ka jingjop.

JINGRWAI SOLOMON 1:9

Ma phi, ko ba-ieit jong nga, to pynskuiñ ïa ki rangbah kumba ka kulai ka pynskuiñ ïa ki kulai jong ki kali ïapom jong u Pharaoh.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

JEREMAÏAH 10:21

Nga la jubab, “Ki nongïalam jong ngi ki long kiba mutlop; kim shym kyrpad ïa U Trai ban ïoh jingïalam. Dei kane keiñ balei ba ki shahjop, bad ki briew jong ngi ki la shah pynsakma.

JEREMAÏAH 11:22

Kumta U Trai Badonbor Baroh u la ong, “Ngan pynshitom ïa ki! Ki samla shynrang jong ki kin shah pynïap ha ka thma; ki khun jong ki kin ïapthngan.

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 34:2

“Ko khun u briew,” u la ong, “to kren pyrshah ïa ki nongsynshar ka Israel. Ïathuhlypa ha ki, bad ïathuh ha ki ïa kaei kaba ma nga, U Trai Nongsynshar nga ong ha ki: Phi long ki bym don jingkyrmen shuh, a phi ki nongsharai ka Israel! Phi sumar bha tang ïa lade, hynrei phim ju bsa bha ïa ki langbrot.

DANIEL 11:32

Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

SEPHANAÏAH 1:8

“Ha kata ka sngi ka jingpynïap,” ong U Trai, “ngan pynshitom ïa ki rangbah pynïaidkam, ki khun shynrang jong u syiem, bad baroh kiba leh ïa ki rukom nongwei.

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

LOUKAS 1:68

“To ngin ïaroh ïa U Trai, U Blei jong ki Israel! U la wan ïa ka ban ïarap ïa ki briew jong u bad ban pyllaitluid ïa ki.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

RUTH 1:6

Hadien katto katne por ka Naomi ka ïohsngew ba U Trai u la kyrkhu ïa la ki briew da kaba ai ha ki ka jingot kaba bha; kumta ka la khreh ban mihnoh na Moab lem bad la ki pyrsa kurim.