SEKHARAÏAH 10:2 - Khasi CL Bible (BSI)

² Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.

KA BAIBL

² Naba ki teraph ki la kren ka jingthala, bad ki nongkren byrtong ki la ïohi ïa ka lamler; bad ki la ïathuh ïa ki jingphohsniew kiba shukor, ki pyntngen lehnohei: namar kata, ki la leit la ka lynti kum ki langbrot, la pynjynjar ïa ki, namar bymdon u nongsharai.

SEKHARAÏAH 10:2 ပူးပေါင်းရင်းမြစ်များ

JENESIS 31:19

U Laban u la leit ban khap shñiuh ïa la ki langbrot, bad ha ka por ba um don ka Rakhel ka la tuh ïa ki blei ïing kiba long ki jong u kpa jong ka.

1 SYIEM 22:17

U Mikaïah u jubab, “Nga ïohi ïa ka kynhun shipai jong ki Israel ba ki sakma ha ki lum kum ki langbrot khlem u nongsharai. Bad U Trai u ong, ‘Kine ki rangbah kim don nongïalam; ai kin leit phai noh sha ïing da kaba suk.’ ”

Ka Kitab U Job 13:4

Me tap ïa ka jingbymtip jong me da ka jingshukor; Me long kum ki doktor ki bym lah ban pynkoit ïano ïano.

Ka Kitab U Job 21:34

Bad ma phi! Phi pyrshang ban pyntngen ïa nga ha ka jingbieit! Baroh ka jubab ba phi ai ka long ka jingshukor!

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

ISAÏAH 44:9

Baroh kito kiba shna bleithaw kim long ei ei, bad u blei ba ki ñiewkor shibun um long uba larkam. Kito kiba mane ïa kine ki blei ki long kiba matlah bad kiba bieit bad kin shah pynjahburom.

ISAÏAH 46:5

“Badno phin nujor ïa nga?” ong U Trai. “Hato don uno uno uba kum ma nga?

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 27:10

Ki da shukor ïa phi bad kin pynlong ïa phi ban shah rah sha jngai na ka ri jong phi. Ngan beh noh shabar ïa phi, bad ïa phi yn pynjot noh.

JEREMAÏAH 27:14

Wat shahshkor ïa ki nongïathuhlypa kiba ong ïa phi ban ym pyndem ha u. Ki shukor ïa phi.

JEREMAÏAH 27:9

Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 37:19

Kaei kaba la jia ïa ki nongïathuhlypa kiba la ong ïa phi ba u syiem ka Babilonia un ym tur ïaleh ïa phi lane ïa ka ri?

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 51:23

ban pynïap ïa ki nongaplangbrot bad ki kynhun langbrot jong ki, ban pynïap ïa ki nonglur bad ïa ki kulai jong ki, ban ïuhroit ïa ki nongsynshar bad ki rangbah synshar ba-halor.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 21:21

U syiem ka Babilonia u ïeng hajan ka dak jingkdew ha kaba ka lynti ka ïakhlad. Ban tip shano ban leit, u pynkhih ïa ki khnam; u wad jingmut na ki bleithaw jong u; u khmih thuh ïa u khyllai jong u mrad ba la kñia.

ESEKIEL 21:29

Ki jingïohipaw ba phi ïohi ki long ki bymdei, bad ki jingïathuh lypa ba phi pynlong ki long kiba shukor. Phi long kiba bymman bad kiba sniew, bad ka sngi jong phi ka la wan, ka sngi jong ka jingpynjot kaba kut. Ka waitlam kan hap ha ki ryndang jong phi.

ESEKIEL 34:5

Namar ba ki langbrot kim don u nongsharai, ki la sakma noh, bad ki mradkhlaw ki pynïap bad bam ïa ki.

ESEKIEL 34:8

Kumba da shisha nga long U Blei uba im, phin kham bha ba phi shahshkor ïa nga. Ki langbrot jong nga ki la shah patar ha ki mradkhlaw kiba pynïap bad bam ïa ki namar bym don u nongsharai. Ki nongsharai jong nga kim shym la pyrshang ban wad ïa ki langbrot. Ki la sumar bha ïa lade bad ym ïa ki langbrot.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

JINGKHEIÑ 27:17

bad uba lah ban ai hukum ïa ki ha ka madan thma, khnang ba u paidlang jong me un ym long kum ki langbrot kiba khlem nongsharai.”

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 6:34

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

DEUTERONOMI 13:2

khnang ban ïalam ïa phi ban mane bad shakri ïa ki blei kiba phim pat ju mane mynshuwa. Wat la kata kaba u kular ka urlong shisha, wat shahshkor ïa u.

NONGBISHAR 18:14

Nangta kita ki rangbah san ngut kiba la leit syntiat ïa kata ka ri sawdong ka Laish ki ong ha la ki paralok, “Hato phi tip ba hangne ha kawei na kine ki ïing ka don ka bleithaw da ka dieng ba la suit da ka rupa? Ki don ruh kiwei ki bleithaw bad ka ephod. Kaei phi pyrkhat ba ngin leh?”