SEKHARAÏAH 10:12 - Khasi CL Bible (BSI)

¹² Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

KA BAIBL

¹² Bad ngan pynkhlaiñ ïa ki ha U Trai; te kin ïaid sharum shaneng ha ka kyrteng jong u,” ong U Trai.

SEKHARAÏAH 10:12 ပူးပေါင်းရင်းမြစ်များ

JENESIS 24:40

U la jubab, ‘U Trai, ïa uba nga la ju kohnguh, un phah ïa u angel jong u lem bad me bad ai ha me ka jingjop. Men pynïoh ïa u khun jong nga ka tnga na ki briew jong nga hi, bad na ki ba-ha-ïing ha-sem jong u kpa jong nga.

JENESIS 5:24

U la pynlut la ka jingim ha kaba ïasyllok bad U Blei, bad hadien kata u la jah noh, namar U Blei u la shim noh ïa u.

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ESEKIEL 30:24

Nangta ngan pynlong ïa ki ksang'ti jong u syiem ka Babilonia kaba khlaiñ bad ngan buh ïa ka waitlam jong nga ha ki kti jong u. Hynrei ngan pynkheiñ ïa ki ksang'ti jong u syiem ka Ijipt, bad un ud bad ïap ha khmat u nongshun jong u.

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 12:5

Nangta ki kur jong ka Judah kin ong ha lade, ‘U Trai U Blei Badonbor Baroh u ai ka jingkhlaiñ ha ki briew jong u kiba shong basah ha Jerusalem.’

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

KOLOSSAI 2:6

Naduh ba phi la pdiang ïa U Khrist Jisu kum U Trai, to im ha u.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.