SEKHARAÏAH 10:11 - Khasi CL Bible (BSI)

¹¹ Haba ki ïaid lyngba ïa ka duriaw ka jingjynjar jong ki, ma nga, U Trai, ngan shoh ïa ki jingat phyllung, bad ki jingjylliew jong ka Nile kin tyrkhong. Ïa ka Assyria kaba sarong yn pynpoh, bad ka Ijipt bakhlaiñbor kan duh noh ïa ka bor jong ka.

KA BAIBL

¹¹ Te un ïaid lyngba ïa ka duriaw ka jingjynjar, bad un shoh ïa ki jingat phyllung ha ka duriaw, bad ki jingjylliew baroh jong ka Neil kin rngad noh: bad yn pynhiar noh ïa ka jingsarong ka Assyria, bad u dieng synshar ka Ijipt un jah noh.

SEKHARAÏAH 10:11 ပူးပေါင်းရင်းမြစ်များ

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 SYIEM 2:14

U la tied ïa ka um da ka jaiñkup jong u Elijah, bad u ong, “Hangno U Trai, U Blei jong u Elijah?” Nangta u la tied biang ïa ka um, bad ka la kad arliang, bad u la ïaid sha shiliang.

2 SYIEM 2:8

Nangta u Elijah u shim ïa ka jaiñkup jong u, u kli ïa ka, bad u tied ïa ka um da ka; ka um ka la kad arliang, bad ma u lem bad u Elisha ki la jam sha shiliang ha ka dewryngkhiang.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

SALM 114:3

Ka Duriaw Basaw ka la khmih bad ka phet noh, ka wah Jordan ka la sangeh ban tuid.

SALM 114:5

Kaei kaba la jia, ko Duriaw, ban pynlong ïa pha ban phet noh? Bad ma pha, ko Jordan, balei ba pha sangeh ban tuid?

ISAÏAH 14:25

Ngan pynjot ïa ki nong Assyria ha ka ri Israel jong nga bad ngan kyrdem halor jong ki lumbah jong nga. Ngan pyllaitluid ïa ki briew jong nga na ka lyngkor jong ki nong Assyria bad na ki jingkit kiba ki don ban bah.

ISAÏAH 19:16

Ka por ka wan haba ki briew jong ka Ijipt kin long kiba khawpud kum ki kynthei. Kin khynñiuh ha ka jingsngewtriem haba ki ïohi ba U Trai Badonbor Baroh u la kner ïa la ka kti ban pynshitom ïa ki.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 44:27

Da ki ktien ka hukum nga pyntyrkhong ïa ka duriaw-bah.

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.