SEKHARAÏAH 10:1 - Khasi CL Bible (BSI)

¹ To pan na U Trai ïa u slap ha ka pyrem jong ka snem. U dei U Trai uba phah ïa ki lyoh slap bad ïa u 'lap praw, da kaba pynjyrngam ïa ki lyngkha na ka bynta uwei pa uwei.

KA BAIBL

¹ To pan slap na U Trai ha ka aïom u slap bakhatduh, na U Trai uba pynlong ïa ka leilieh; te un ai ha ki, ïa u 'lap praw, ha uwei uwei baroh ïa u phlang ha lyngkha.

SEKHARAÏAH 10:1 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

Ka Kitab U Job 29:23

baroh ki pdiang ïa ki kumba ki nongrep ki pdiang sngewbha ïa u slap ha ka por pyrem.

SALM 104:13

Na suiñbneng me phah ïa u slap halor ki lum, bad ïa ka pyrthei la pyndap da ki jingkyrkhu jong me.

SALM 135:7

U wanrah ïa ki lyoh 'erïong na kiba kut ka pyrthei; u pynlong leilieh ïa ki 'erïong, bad u wanrah shabar ïa ka lyer na la ka jaka buh.

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

PROBERB 16:15

Ka jingshem sngewbha u syiem ka long kum ki lyoh kiba wanrah slap ha ka por pyrem — don ka jingim hangta.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

JEREMAÏAH 10:13

Ha ka hukum jong u ki um shalor jong ka suiñbneng ki kyrhuh; u wallam ïa ki lyoh na kiba kut jong ka pyrthei. U pynlong ïa ka leilieh ban thaba ha u slap bad u phah ïa ka lyer na ka kamra buh tiar jong u.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

JEREMAÏAH 51:16

Ha ka hukum jong u ki um halor ka suiñbneng ki kyrhuh; u wallam ïa ki lyoh na kiba kut ka khyndew. U pynlong ïa ka leilieh ban thaba ha u slap bad u phah ïa ka lyer na ka kamra jingkynshew jong u.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

HOSIA 10:12

Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

1 KORINTH 3:6

Nga bet ïa u symbai, u Apollos u la ai um ïa u jingthung, hynrei dei U Blei uba pynsan ïa u jingthung.

DEUTERONOMI 28:23

U slap un ym hap, bad ka khyndew kan kylla eh kum u nar.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.