SEKHARAÏAH 1:4 - Khasi CL Bible (BSI)

⁴ Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

KA BAIBL

⁴ “Wat long kum ki kpa jong phi, ha kiba ki nongïathuhlypa kiba mynshuwa ki la pyrta, ki ïa-ong, ‘Kumne u ong U Trai ki paid, “Mynta to phai noh phi na ki lynti basniew jong phi, bad na ki jingleh basniew jong phi:” pynban, kim shym la sngap, lymne shahshkor ïa nga,’ ” ong U Trai.

SEKHARAÏAH 1:4 ပူးပေါင်းရင်းမြစ်များ

2 KHRONIKL 30:6

Ki nonglamktien ki la leit ha ka hukum u syiem bad ki rangbah synshar jong u sha kylleng ka Judah bad ka Israel lem bad ka jingkhot sngewbha kumne harum: “Ko paid Israel, phi la lait im na ka jinghiarthma jong ki Assyria ïa ka ri. Mynta to wan phai sha U Trai, U Blei jong u Abraham, u Isaak, bad u Jakob, bad un wan phai sha phi.

2 KHRONIKL 30:7

Wat long kum ki kpa tymmen jong phi bad ki para Israel jong phi kiba la lyndet ïa U Trai U Blei jong ki. Kumba phi ïohi, u la pynshitom tyngeh ïa ki.

2 KHRONIKL 34:21

“Khie leit bad kylli na U Trai na ka bynta jong nga bad na ka bynta ki briew kiba dang sah ha Israel bad Judah. Wad bniah shaphang ki jinghikai na kane ka kitab. U Trai u bitar ïa ngi namar ki kpa tymmen jong ngi kim shym la kohnguh ïa ka ktien U Trai bad kim shym la leh ïa kaei kaba kane ka kitab ka ong ban leh.”

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

NEHEMAÏAH 9:16

Hynrei ki kpa tymmen jong ngi ki la sarong bad eh dohnud bad kyntait ban kohnguh ïa ki hukum jong me.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

NEHEMAÏAH 9:30

Na kawei ka snem sha kawei pat, ha ka jingïaishah me la maham ïa ki. Me pyrsad mynsiem ïa ki nongïathuhlypa jong me ban kren, hynrei ki briew jong me ki long kyllut, kumta me shah ïa kiwei pat ki jaitbynriew ban jop ïa ki.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

ISAÏAH 31:6

U Trai u la ong, “Phi ki paid Israel, phi la leh pop pyrshah ïa nga bad ïeng ïaleh ïa nga. Hynrei mynta, to phai pat sha nga!

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

JEREMAÏAH 25:8

“Kumta te, namar ba phim shym la shahshkor ïa u, U Trai Badonbor Baroh u ong,

JEREMAÏAH 26:5

bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 3:14

“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

ESEKIEL 14:6

“Mynta te, to ïathuh ïa ki Israel ïa kaei kaba ma nga, U Trai Nongsynshar nga ong: To phai noh bad ieh ïa ki bleithaw ba-ijli jong phi.

ESEKIEL 20:18

Pynban, nga la maham ïa ki samla hapdeng jong ki: Wat sumar ïa ki aiñ kiba ki kpa tymmen jong phi ki thaw; wat bud ïa ki rukom jong ki lane pyntngit ïa lade da ki bleithaw jong ki.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 33:4

Lada uno uno uba ïohsngew ïa ka hynrei um suidñiew, bad u nongshun u wan bad pynïap ïa u, te un kit pop hi ïa la ka jong ka jingïap.

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

AMOS 5:24

Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

MIKAH 2:6

Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

SEKHARAÏAH 1:3

hynrei mynta nga ong ha phi, ‘To wan phai sha nga bad ngan wan phai sha phi.

SEKHARAÏAH 7:7

Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;