SALM 81:3 - Khasi CL Bible (BSI)

³ To put ïa ka turoi ha ka jinglehniam, haba dang lung bnai bad haba pyllun bnai.

KA BAIBL

³ To put ïa ka turoi ha u 'nai thymmai, haba pyllun bnai, ha ka sngi ka jingïaseng bakyntang jong ngi.

SALM 81:3 ပူးပေါင်းရင်းမြစ်များ

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

1 KHRONIKL 15:16

U Dabid u hukum ïa ki nongïalam jong ki Lebi ban pynkhamti ha ki kynhun Lebi bapher bapher ban rwai bad ban tem ki jingtem jong ka jingkmen ha ki duitara bad ki shakuriaw.

1 KHRONIKL 16:42

Ïa u Heman bad u Jeduthun ruh la buh ban peit ïa ki turoi bad ki shakuriaw bad kiwei ki jingtem ba pyndonkam ha ka por ba rwai ïa ki jingrwai ïaroh. Ïa ki dkhot jong ka kur u Jeduthun, la buh ban ap phira ïa ki khyrdop.

1 KHRONIKL 16:6

bad ar ngut ki lyngdoh, u Benaïah bad u Jahasiel kin put ïa ki turoi borabor ha khmat ka Synduk ka Jutang.

1 KHRONIKL 25:1

U syiem Dabid bad ki nongïalam jong ki Lebi ki la jied ïa kine ki kur jong ki Lebi ban ïalam ïa ka jingmane: u Asaph, u Heman, bad u Jeduthun. Ki dei ban pynbna ïa ki khubor jong U Blei, ïa kiba la synran da ki sur ki duitara bad ki shakuriaw. Kane ka dei ka thup kyrteng jong ki briew kiba la jied ban ïalam ïa ka jingmane, lem bad ka jait jingshakri kaba kawei pa kawei ka kynhun kan pyndep:

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 13:14

Ki Judia ki peit sawdong bad ki ïohi ba la ker sawdong ïa ki. Ki kyang ha U Trai ban ïoh jingïarap, bad ki lyngdoh ki put ïa ki turoi.

2 KHRONIKL 2:4

Nga tei ka Templ ban ai burom ïa U Trai U Blei jong nga. Kan long ka jaka bakhuid ha kaba ki briew jong nga bad ma nga ngin mane ïa u da kaba thang ki jingiwbih da ki musla iwbih, bad ha kaba ngin ïai ai ki jingainguh ha u da u kpu kyntang, bad ha kaba ngin ai ki jingainguh thang man ka step bad janmiet, kumjuh ruh ha ki sngi Sabbaton, ki Jingrakhe Bnai Thymmai, bad kiwei pat ki sngi khuid ban ai burom ïa U Trai U Blei jong ngi. U la hukum ïa ki Israel ban leh ïa kane junom la junom.

2 KHRONIKL 8:13

u la kñia ki jingainguh thang kat kum ka jingdawa jong ka Hukum u Moses na ka bynta kawei pa kawei ka sngi kaba khuid: ki Sabbaton, ki Jingkhawai Niam Bnai Thymmai, bad ki lai tylli ki Jingkhawai Niam kiba man ka snem — ka Jingkhawai Niam U Kpu Bakhlem Thiat, ka Jingkhawai Niam ka Jingot, bad ka Jingkhawai Niam Ki Ïingtrep.

SALM 149:3

To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

SALM 33:2

To ai ki jingainguh ïa U Trai ha ki duitara, to rwai ha u da ki jingtem ksai.

SALM 98:6

To put ïa ki turoi bad ki ronsing, bad to risa da ka jingkmen ha U Trai, u syiem jong ngi.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

DEUTERONOMI 16:15

Pyndonburom ïa U Trai U Blei jong phi da kaba phi rakhe hynñiew sngi ïa kane ka Jingkhawai Niam ha kata ka jaka mane Blei. To lehkmen, namar U Trai u la kyrkhu ïa ki jingmih baroh ba phi la ïoh ot bad ïa ka kam jong phi baroh.

KOLOSSAI 2:16

Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.