SALM 74:3 - Khasi CL Bible (BSI)

³ To ïaid halor kine ki jingjot baroh; ki nongshun jong ngi ki la pynjot thiaw ïa kaei kaei baroh hapoh jong ka Templ.

KA BAIBL

³ To rah ïa la ki kjat sha ki jingpynjot kiba sah duh, sha kane ka jingsniew baroh kaba u nongshun u la leh ha ka jaka kyntang.

SALM 74:3 ပူးပေါင်းရင်းမြစ်များ

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

NEHEMAÏAH 1:3

Ki ïathuh ïa nga ba kito kiba dang im bad kiba la poi biang ha la ka jong ka ri, ki don hapdeng ka jingeh bakhraw bad ba ki nongwei kiba shong basah marjan, ki peitbeiñ ïa ki. Ki ïathuh ruh ïa nga ba ki kynroh ka Jerusalem ki la pra bad ba ïa ki khyrdop ym shym la pynbha pat naduh ka por ba la thang ïa ki.

NEHEMAÏAH 2:13

Ka dang long mynmiet katba nga la mihnoh na ka nongbah lyngba ka Khyrdop Them shaphang sepngi bad leit shaphang shathie da kaba ïaid lait ïa ka Umpohliew u Ïakjakor sha ka Khyrdop Synrum. Katba nga dang leit, nga khmih ïa ki kynroh ba la pra jong ka nongbah bad ki khyrdop ïa kiba la pynjot da ka ding.

NEHEMAÏAH 2:3

Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

SALM 44:23

To khie noh, A Trai! Balei ba me ïohthiah? To kyndit noh! Wat kyntait ïa ngi junom!

SALM 44:26

To wan ban ïarap ïa ngi! Namar ka jingieit baneh jong me, to pynim ïa ngi!

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 61:4

Kin tei pat ïa ki nongbah ba la jot la pra.

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 9:17

A Blei, to shahshkor ïa ka jingduwai bad ka jingkyrpad jong nga. To pynbha pat ïa ka Templ jong me, ïa kaba la pynjot; to pynbha ïa ka khnang ba uwei pa uwei baroh un tip ba me long U Blei.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

MIKAH 1:3

U Trai u wan mih na ka jaka bakhuid jong u; un wan hiar bad ïaid ha kliar jong ki lumbah.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

MARKOS 11:17

Nangta u la hikai ïa u paidbah: “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing jingduwai ïa ki briew jong ki jaitbynriew baroh.’ Hynrei phi la pynlong ïa ka, ka jakarieh jong ki nongtuh!”

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

JOSHUA 10:24

Nangta u Joshua u khot ïa ki rangbah ka Israel baroh bad u hukum ïa ki rangbah shipai kiba la leit ryngkat bad u ban wan bad buh ïa la ki kjat ha ki ryndang jong ki syiem. Ki la leh kumta.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.