SALM 72:4 - Khasi CL Bible (BSI)

⁴ Ai ba u syiem un bishar hok ïa kiba duk; ai un ïarap ïa kiba kyrduh, bad un jop ïa ki nongbanbeiñ jong ki.

KA BAIBL

⁴ Un bishar ïa ki baduk jong u paidbah, un pynim ïa ki khun jong ki bakyrduh, bad un pynlwet ïa u nongbanbeiñ.

SALM 72:4 ပူးပေါင်းရင်းမြစ်များ

Ka Kitab U Job 34:24

Um da donkam ïa ka jingwad bniah ban weng noh ïa ki nongïalam bad ban bujli ïa ki da kiwei pat.

SALM 109:31

namar u kyrshan ïa u briew uba duk bad u pynim ïa u na kito kiba pynrem ïa u sha ka jingïap.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

SALM 94:5

Ki pynlwet ïa ki briew jong me, A Trai; ki banbeiñ ïa kito kiba long ki jong me.

PROBERB 20:26

U syiem uba stad un shem uno uba leh ïa ka bymdei, bad un pynshitom ïa u khlem isynei.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 42:3

Un ym pynkheiñ ïa u khah ba la dem un ym pynlip ïa ka sharak ba dang mehding, un wanrah ka jingbishar hok baneh ïa baroh.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:24

Ïa ka Babilon la pynshitom namar ïa ka snam jong ki nongïathuhlypa bad jong ki briew jong U Blei la shem hapoh ka nongbah; ho-oid, ka snam jong kito baroh kiba la shah pynïap ha ka pyrthei.

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”