SALM 7:9 - Khasi CL Bible (BSI)

⁹ Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

KA BAIBL

⁹ A to ai ba ka jingleh bymman jong ki bymman kan kut noh, hynrei, to pynskhem ma me ïa u bahok: naba U Blei u bahok u tynjuh ïit ïa ki dohnud bad ïa ki khyllai.

SALM 7:9 ပူးပေါင်းရင်းမြစ်များ

JENESIS 20:5

U Abraham hi u la ong ba ka dei ka para jong u, bad ka ruh ka ong kumjuh. Nga la leh ïa kane da ka jingïatiplem kaba sngur, bad ngam shym la leh bakla.”

1 SYIEM 8:32

A Trai, to shahshkor na bneng bad bishar ïa ki shakri jong me. Pynshitom ïa uta u nongleh palat kumba ka dei hok ïa u ban ïoh, bad pynksan ïa uta uba lui lui.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

SALM 10:15

Pynkheiñ ïa ka bor jong ki riewbymman bad ki riewsniew; pynshitom ïa ki namar ka jingbakla kaba ki la leh tad haduh ba kin ym leh shuh ïa ka.

SALM 10:18

Men ïohsngew ïa ka jingkyang jong kiba shah banbeiñ bad jong ki khunswet; men bishar da kaba sngewlem ïa ki; ba kumta ki briew kin ym pynjia jingshyrkhei shuh.

SALM 11:5

U khmih bniah ïa uba hok bad ïa u bymman kumjuh, ïa uba tamsneng u isih da ka dohnud jong u baroh.

SALM 139:1

A Trai, me la ïit ïa nga bad me tip ïa nga.

SALM 17:3

Me tip ïa ka dohnud jong nga. Me la wan ha nga ha ka por miet; Me la ïitbniah ïa nga nadong shadong bad men shym la shem kano kano ka jingkwah basniew hapoh jong nga.

SALM 18:21

Nga la kohnguh ïa ka hukum jong U Trai; ngam shym la phai noh na U Blei jong nga.

SALM 26:2

To ïitbniah bad tynjuh ïa nga, A Trai, bishar ïa ki jingkwah bad ki jingmut jong nga.

SALM 35:23

To ïeng da lade, A Trai, bad ïada ïa nga; to ïeng ko Blei jong nga, bad ïasaid namar jong nga.

SALM 37:23

U Trai u ïalam ïa u briew ha ka lynti ba u dei ban leit, bad u ïada ïa kito kiba pynsngewbha ïa u.

SALM 40:2

U la sei ïa nga na ka thliew ba-ishyrkhei, na ka ahor ktieh bapynïap, bad u la buh ïa nga halor u mawsiang, bad u la pynlong skhem ïa nga.

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

SALM 44:21

Da shisha men jin da la shem ïa kata, namar me tip ïa ki jingmut barieh jong ngi.

SALM 58:6

To pynkheiñ ïa ki bniat jong kine ki sing bashyrkhei, A Blei.

SALM 9:9

U Trai u long ka jakarieh ïa kiba shah banbeiñ, ka jaka bashngain ha ki por jynjar.

SALM 96:10

To ong ha ki jaitbynriew baroh, “U Trai u long u syiem! Ïa ka pyrthei la pynshong skhem ha la ka jaka bad ym lah ban pynkhih; un bishar ïa ki jaitbynriew da ka hok.”

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 20:12

Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.