SALM 69:8 - Khasi CL Bible (BSI)

⁸ Nga long kum u nongwei ïa ki hynmen ki para jong nga, kum u sohshnong ha la ka longïing.

KA BAIBL

⁸ Nga la kylla long u nongwei ïa la ki para, bad u sohshnong ïa ki khun ka kmie jong nga.

SALM 69:8 ပူးပေါင်းရင်းမြစ်များ

SALM 31:11

Baroh ki nongshun jong nga bad khamtam ki paramarjan jong nga, ki la ñiewbeiñ ïa nga; kito kiba ithuh ïa nga ki la sheptieng ïa nga; haba ki ïohi ïa nga ha ka surok bah, ki phet noh.

SALM 38:11

Ki paralok bad ki paramarjan jong nga kin ym wan hajan jong nga, namar ki jingmong jong nga; wat ki ba-ha-ïing ha-sem jong nga ki ïeng jngai na nga.

SALM 89:51

Ki nongshun jong me ki krenbeiñ ïa u syiem ba me la jied, A Trai, ki krenbeiñ ïa u kat shaba u leit.

SALM 89:52

A to ïaroh ïa U Trai junom! Amen! Amen!

ISAÏAH 50:6

Nga pynshah da ka met sha kito kiba shoh ïa nga. Ngam shym pynsangeh ïa ki haba ki krenbeiñ ïa nga, haba ki patrong ïa ki shñiuh na u 'ñiuhtmoh jong nga bad bynthiew ha ka khmat jong nga.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

ISAÏAH 53:4

“Hynrei u la shah ïa ka jingshitom kaba la dei hok ïa ngi, ka jingpang kaba ngi la dei ban shah. Baroh shi katta ngi la pyrkhat ba ki jingshitom jong u ki la long ki jingpynshitom ba la phah da U Blei.

JEREMAÏAH 15:15

Nangta nga la ong, “A Trai, me sngewthuh. To kynmaw ïa nga bad ïarap ïa nga. Shah ngan ïoh pynhiarkput halor kito kiba pynshitom beiñ ïa nga. Wat ym da ïaishah katta katta ïa ki kat ba kin jop ha kaba pynïap ïa nga. To kynmaw ba ka dei na ka bynta jong me ba la ibeiñ ïa nga.

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

ÏOANNIS 1:11

U la wan sha la ka jong ka ri, hynrei ki briew jong u hi kim shym la pdiang ïa u.

ÏOANNIS 7:5

(Wat ki para shynrang jong u hi kim shym la ngeit ha u.)

1 SAMUEL 17:28

U Eliab, u hynmen rangbah u Dabid, u ïohsngew ba u Dabid u ïakren bad kita ki rangbah. U la bitar ïa u Dabid bad u ong, “Me leh aïu hangne? Mano ba sumar ïa kito ki langbrot ki jong me kiba don ha ka ri khlaw? Ma me, me uba sngewstad! Me wan tang ban peit kai ïa ka jingïaleh thma!”