SALM 69:4 - Khasi CL Bible (BSI)

⁴ Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

KA BAIBL

⁴ Kita kiba shun ïa nga khlem daw ki kham bun ïa u shñiuh ka khlieh jong nga: kita kiba kwah ban ot noh ïa nga, kiba long ki nongshun jong nga da ka bymhok, ki long ki bakhrawbor; hangta nga la buria ïa kaba ngam shym la shim.

SALM 69:4 ပူးပေါင်းရင်းမြစ်များ

SALM 35:19

Wat ai ba ki nongshun jong nga, kito ki nongkren shukor, kin risa ha ka jingshahjop jong nga. Wat ai ba kito kiba isih ïa nga khlem daw kin ïoh kynkok da ka jingkmen halor ka jingsngewsih jong nga.

SALM 40:12

Ïa nga la ker sawdong da shibun ki jingjynjar — Shibun eh ban ñiew! ki pop jong nga ki la lap ïa nga, bad ngam lah shuh ban ïohi; ki kham bun ban ïa u shñiuh ha ka khlieh jong nga; bad nga la duh ka jingshlur jong nga.

SALM 59:3

Ha khmih! Ki ap ban pynïap ïa nga; ki briew kiba runar ki ïalumlang pyrshah ïa nga. Kam dei namar kano kano ka pop ne jingbakla ba nga la leh,

SALM 6:7

Ngam lah ban ïohi bha; ki khmat jong nga ki sieb shikatdei eh na ka jingïam kaba la pynmih da ki nongshun jong nga.

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,