SALM 69:2 - Khasi CL Bible (BSI)

² nga ngam ha ka ahor ktieh bajylliew bad ym don kano kano ka 'dew eh; nga la don ha ki um bajylliew, bad ki jingat phyllung ki la jan pynjyllop ïa nga.

KA BAIBL

² Nga ngam ha ka ktieh kaba jylliew, ha ka bymdon ka jaka ïeng: nga la wan sha ki um bajylliew, ha kaba ka jingshlei ka tyllep ïa nga.

SALM 69:2 ပူးပေါင်းရင်းမြစ်များ

Ka Kitab U Job 22:11

Ka wan ka jingdum ba phim lah shuh ban ïohi, bad ka jingshlei ka tyllep ïa phi.

SALM 32:6

Kumta baroh ki briew kiba hok ai kin duwai sha me ha ki por badonkam; haba ka jingshlei jong ka jingjynjar ka wan tur shapoh, kan ym lah ban poi sha ki.

SALM 40:2

U la sei ïa nga na ka thliew ba-ishyrkhei, na ka ahor ktieh bapynïap, bad u la buh ïa nga halor u mawsiang, bad u la pynlong skhem ïa nga.

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

JEREMAÏAH 38:6

Kumta ki la shim ïa nga bad ki la pynhiar ïa nga da ki tyllai shapoh ka pung u khun syiem Malkhaïah, kaba don hapoh ka phyllaw ïingsyiem. Ym don um ha kata ka pung, tang ka ktieh, bad nga la ngam shapoh ha ka.

JONAH 2:6

Nga la ngam shaduh ki trai jong ki lumbah, sha ka ri kaba ki khyrdop ki khang junom. Hynrei ma me, A Trai U Blei jong nga, me la wanrah im pat ïa nga na ki jingjylliew.

MATHAÏOS 7:25

U slap u la hap, ki wah ki la shlei, bad ka lyer ka la beh jur pyrshah ïa kata ka ïing. Hynrei kam shym la khyllem, namar la tei ïa ka halor u mawsiang.