SALM 67:7 - Khasi CL Bible (BSI)

⁷ U Blei u la kyrkhu ïa ngi; ai ba ki briew baroh hangno hangno kin pyndonburom ïa u.

KA BAIBL

⁷ U Blei un kyrkhu ïa ngi; bad baroh ki bakut ka khyndew kin sheptieng ïa u.

SALM 67:7 ပူးပေါင်းရင်းမြစ်များ

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 33:8

To mane ïa U Trai, phi baroh ka pyrthei! To pyndonburom ïa u, phi baroh ki jaitbynriew ka pyrthei!

SALM 65:5

Me jubab ïa ngi da kaba ai ha ngi ka jingjop bad me leh kiei kiei kiba phylla ban pyllait im ïa ngi. Ki briew ha kylleng ka pyrthei bad sha shiliang ki duriaw kiba jngai ki shaniah ha me.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

LEBITIKOS 26:4

ngan phah ha phi ïa u slap ha ka aïom kaba biang, khnang ba ka khyndew kan pynmih kyrhai ki jingthung jingtep bad ki dieng kin seisoh.

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

KI KAM 13:26

“Ko para Israel jong nga, ki khun ki ksiew jong u Abraham, bad baroh ki Jentil hangne kiba mane ïa U Blei: Ka long ha ngi, ba la phah ïa kane ka khubor ka jingpynim!

KI KAM 13:47

Naba kane ka long ka hukum kaba U Trai u la ai ha ngi: “ ‘Nga la pynlong ïa phi ka jingshai na ka bynta ki Jentil, khnang ba baroh ka pyrthei ka lah ban lait im.’ ”

KI KAM 2:28

Me la pyn-i ha nga ïa ki lynti ïaid kiba ïalam sha ka jingim, bad ka jingdon ryngkat jong me kan pyndap ïa nga da ka jingkmen.’

GALATIA 3:14

U Khrist u la leh ïa kane khnang ba ka jingkyrkhu kaba U Blei u la kular ha u Abraham kan ïoh wan ha ki Jentil da U Khrist Jisu, khnang ba lyngba ka jingngeit ngin ïohpdiang ïa U Mynsiem ba la kular da U Blei.

GALATIA 3:9

U Abraham u la ngeit bad la kyrkhu ïa u; kumta ruh ïa baroh kiba ngeit la kyrkhu kumba la kyrkhu ïa u.

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”