SALM 67:1 - Khasi CL Bible (BSI)

¹ A Blei, to isynei ïa ngi bad to kyrkhu ïa ngi; to khmih halor jong ngi da ka jingbhasbun,

KA BAIBL

¹ To U Blei un isynei ïa ngi, bad un kyrkhu ïa ngi, bad un pyntyngshaiñ ïa la ka khmat halor jong ngi; Selah.

SALM 67:1 ပူးပေါင်းရင်းမြစ်များ

SALM 119:135

To kyrkhu ïa nga da ka jingdon ryngkat jong me bad to hikai ïa nga ïa ki aiñ jong me.

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

SALM 31:16

To khmih ha la u jong u shakri da ka jingsbun; to pynim ïa nga ha ka jingieit baneh jong me.

SALM 4:1

To jubab ïa nga haba nga duwai, A Blei, u nongïada jong nga! Haba nga don ha ka jingjynjar, me la ïarap ïa nga. To lehsbun ïa nga mynta bad to sngew ïa ka jingduwai jong nga.

SALM 4:6

Don bun kiba duwai: “Ai ha ngi bun ki jingkyrkhu, A Trai. To khmih halor jong ngi da ka jingbhasbun!”

SALM 6:1

A Trai, wat bitar bad dumok ïa nga! wat pynshitom ïa nga ha ka jingbitar jong me!

SALM 76:1

Ïa U Blei la ithuh ha Judah; ïa ka kyrteng jong u la pyndonburom ha Israel.

SALM 80:19

To wallam pat ïa ngi, A Trai U Blei Badonbor Baroh. Pyni ha ngi ïa ka jingisynei jong me, bad ïa ngi yn pynim.

SALM 80:7

To wallam pat ïa ngi, A Blei Badonbor Baroh! A pyn-i ha ngi ïa ka jingisynei jong me, bad ïa ngi yn pynim!

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

DEUTERONOMI 21:8

A Trai, map ïa ki briew jong me, ki Israel, ïa kiba me la pyllait na Ijipt. Map ïa ngi bad wat pynkit pop ha ngi namar ka jingpynïap ïa uta uba lui lui.’