SALM 66:2 - Khasi CL Bible (BSI)

² To rwai pyndonburom ïa ka kyrteng jong u, to ai ha u ki jingïaroh pyndonburom!

KA BAIBL

² to rwai pynbna ïa ka burom ka kyrteng jong u: to pynlong kaba donburom ïa ka jingïaroh jong u.

SALM 66:2 ပူးပေါင်းရင်းမြစ်များ

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 106:2

Mano ba lah ban ïathuh ïa baroh kiei kiei kiba khraw kiba u la leh? Mano ba lah ban ïaroh ïa u kumba dei biang?

SALM 107:15

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh na ka bynta jong ki.

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 68:33

ha uta uba shong kulai halor ka sahit bneng, ka sahit bneng na mynbarim. To shahshkor ïa u ba u kyrhuh da ka jingkyrhuh bajam.

SALM 72:18

To ïaroh ïa U Trai, U Blei ki Israel! Tang ma u hi uba leh ïa kine kiei kiei kiba phylla.

SALM 79:9

To ïarap ïa ngi, A Blei, bad to pynim ïa ngi; to pyllait ïa ngi, bad map ïa ki pop jong ngi na ka bynta ka burom ka jong me hi.

ISAÏAH 42:12

Ai ba kito kiba shong ha ki ri bajngai kin ai ka jingïaroh bad ka burom ïa U Trai.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

JINGPYNPAW 5:13

Bad nga la ïohsngew ïa ki jingthaw baroh ha bneng, ha khyndew, ha ka pyrthei shapoh, bad ha ka duriaw — baroh kiei kiei kiba im ha ka pyrthei — bad ki ïarwai: “Ha uta uba shong halor ka khet bad ha U Khunlangbrot, long ka jingïaroh bad ka jingpyndonburom, ka burom bad ka bor, junom la junom!”