SALM 57:2 - Khasi CL Bible (BSI)

² Nga khot kyrpad ïa U Blei, U Bahakhlieh Tam Eh, sha U Blei, uba pyndap ïa ki jingdonkam jong nga baroh.

KA BAIBL

² Ngan kyang ha U Blei Bahakhlieh Tam; ha U Blei uba pyndep ïa baroh na ka bynta jong nga.

SALM 57:2 ပူးပေါင်းရင်းမြစ်များ

SALM 138:8

Me pyndep ïa kiei kiei baroh kiba me la kular; A Trai, ka jingieit jong me ka neh bymjukut. To pyndep ïa ka kam kaba me la sdang.

SALM 143:9

Nga leit sha me na ka bynta ka jingïada, A Trai; to pyllait im ïa nga na ki nongshun jong nga.

SALM 17:8

To ïada ïa nga kumba me leh ïa la ki jong ki khmat; buhrieh ïa nga ha ka jingkah ki thapniang jong me

SALM 41:5

Ki nongshun jong nga ki ong kiei kiei kiba shyrkhei shaphang jong nga. Ki kwah ba ngan ïap noh bad ba yn klet noh.

SALM 56:2

Baroh shi sngi lynter ki nongïaleh pyrshah jong nga ki tur ïaleh ïa nga. Ki don shibun eh kiba wan ïaleh pyrshah ïa nga.

ISAÏAH 26:12

Men ai ïa ngi ka jingroi jingpar, A Trai; baroh kata kaba ngi pyndep ha ka jingjop ka long ka jingmih na kaei kaba me leh.

ISAÏAH 26:20

To rung shapoh ki ïing jong phi, ko ki briew jong nga, bad to khang ïa ka jingkhang shadien jong phi. To buhrieh ïa lade katto katne por haduh ba ka jingbitar U Blei kan kut.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,