SALM 53:3 - Khasi CL Bible (BSI)

³ Hynrei baroh ki la kylla dien noh; ki la long lang kiba sniew baroh. Ym don uwei ruh na ki uba leh ïa kaei kaba dei, ym don uwei ruh.

KA BAIBL

³ Uwei uwei baroh na ki u la kylla dien; ki la kylla jakhlia lang noh; ym don shuh uba leh babha, em, ym don uwei ruh.

SALM 53:3 ပူးပေါင်းရင်းမြစ်များ

2 SAMUEL 20:2

Kumta ki Israel ki la iehnoh ïa u Dabid bad ki la leit bad u Sheba; hynrei ki rangbah Judah ki la ïaineh bad ki bud ïa u Dabid na Jordan sha Jerusalem.

Ka Kitab U Job 15:16

Bad ngi dih ïa ka jingbymman la kum ba ka dei ka um; ho-oid, ngi long kiba bamsap; ngim dondor ei ei.

SALM 14:3

Hynrei ki baroh ki la ïaid bakla, ki la ïalong lang kiba sniew. Ym don uwei ruh na ki uba leh ïa kaba dei, ym don uwei ruh.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

Ka Shithi U Paul Sha Ki Nong Rom 3:12

Baroh ki la phai noh na U Blei; baroh ki la leh bym dei; ym don uno uno uba leh ïa kaba dei, ym don uwei ruh.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.

JINGPYNPAW 22:11

Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”