SALM 53:2 - Khasi CL Bible (BSI)

² U Blei u jngoh na bneng ïa u khunbynriew ban khmih lada don mano mano bastad, bad ba mane ïa U.

KA BAIBL

² U Blei u la jngoh arsut na bneng ïa ki khun bynriew, ban khmih la don ne em mano mano ba la shemphang, ba la wad ïa U Blei.

SALM 53:2 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 19:3

Hynrei la katta ruh, ka dang don katto katne ka jingbha ha phi. Phi la weng baroh ki dur jong ka blei Asherah kaba ki briew ki mane, bad phi la pyrshang ban bud ïa ka mon U Blei.”

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 102:19

U Trai u khmih sha tbian na ka jaka bakhuid jong u na neng, u khmih na bneng sha ka pyrthei.

SALM 11:4

U Trai u don ha ka Templ bakhuid jong u; u don ka khet jong u ha bneng; u khmih ïa ki briew hangno hangno haba ki don, bad u tip ki ïaleh aïu.

SALM 111:10

Ka lynti ban long uba stad ka long ban pyndonburom ïa U Trai; u ai ka jingbishar kaba beit ïa baroh kiba kohnguh ïa ki hukum jong u. U long uba dei ban ïaroh junom.

SALM 27:8

Haba me ong, “Wan bad mane ïa nga,” nga jubab, “Ngan sa wan, A Trai; wat buhrieh ïa lade na nga!”

ISAÏAH 55:6

To phai sha U Trai bad duwai ha u, mynta ba u don hajan.

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’