SALM 5:9 - Khasi CL Bible (BSI)

⁹ Kaei kaba ki nongshun jong nga ki kren ka long ka bym lah da lei lei ban shaniah; ki kwah tang ban pynjot. Ki ktien jong ki, ki long kiba pynroh bad kiba jali ja-um, hynrei kiba dap da ka jingshukor kaba shyrkhei.

KA BAIBL

⁹ Namar ym don ka jingneh ha ka shyntur jong ki; kaba shapoh jong ki ka long ka jingbymman hi: ka ryndang jong ki ka long ka jingtep ba ang ryngheng; ki kren arsap da la u thylliej.

SALM 5:9 ပူးပေါင်းရင်းမြစ်များ

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

SALM 27:11

To hikai ïa nga, A Trai, kaei me kwah ïa nga ban leh bad ïalam ïa nga ha ka lynti kaba shngain, namar nga don shibun ki nongshun.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 52:2

Me pynlong ïa ki jingthmu ban pynjot ïa kiwei; u thylliej jong me u long kum ka syrti banep. Me pynmih borabor ïa ki jingshukor.

SALM 62:4

Phi kwah tang ban tan shapoh na ka kyrdan donburom jong u; phi sngewbha ha ki jinglamler. Phi kren ki kyntien kyrkhu, hynrei ha ka dohnud jong phi, phi tim ïa u.

SALM 62:9

Ki briew ki long kum ka jingpynhiar mynsiem, kiba rit bad kiba khraw kumjuh kim dondor. Buh ïa ki ha ki tarajur, bad kim don jingkhia ei ei; ki kham sting ban ïa ka jingpynhiar mynsiem.

SALM 64:6

Ki pynlong ki jingpyrkhat kiba sniew bad ong, “Ngi la pyrkhat ïa ka kam runar kaba paka.” Ka dohnud bad ka jingmut briew ki long kiba maïan.

SALM 69:19

Me tip haduh katno nga la shah rkhiebeiñ, haduh katno nga la shah pynjahburom bad shah pynlehrain; me ïohi ïa ki nongshun jong nga baroh.

PROBERB 29:5

Lada phi pynroh ïa ki paralok jong phi, phi buh jingriam ïa lade.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

LOUKAS 11:39

Kumta U Trai u la ong ha u, “Mynta te, phi ki Pharisi phi pynkhuid ïa kaba shabar jong ka khuri bad ka pliang jong phi, hynrei hapoh, phi dap da ka jingleh jubor bad ka jingsniew.

LOUKAS 11:44

A katno kaba shyrkhei ïa phi! Phi long kum ki lum jingtep ki bym don dien shuh ha kaba ki briew ki ïaid nalor khlem tip ïa ka.”

Ka Shithi U Paul Sha Ki Nong Rom 3:13

Ki ktien jong ki, ki dap da ki jingshukor bashyrkhei; ki jingthok ba-bymman ki mih na ki thylliej jong ki, bad ki jingbyrngem kiba ma, kum ka bih bseiñ, na ki rmiang shyntur jong ki;

1 THESSALONI 2:5

Phi tip bha ba ngim shym la wan ha phi da ki jingkren jali ja-um, lymne ba ngi la pyndonkam ïa ki kyntien ban da 'rap-jot ïa ka jinglalot — U Blei u long u sakhi ïa ngi!