SALM 41:9 - Khasi CL Bible (BSI)

⁹ Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

KA BAIBL

⁹ Wat uta u lok ba-ieit jong nga hi ruh, ha uba nga la shaniah, uba la ju bam ïa u kpu jong nga, u la rah ïa la ka khongdong'jat pyrshah ïa nga.

SALM 41:9 ပူးပေါင်းရင်းမြစ်များ

2 SAMUEL 15:12

Bad katba u dang ai jingkñia, u Absalom u phah khot ruh na ka shnong Gilo ïa u Ahithophel, uba long uwei na ki nongaibuit jong u Syiem Dabid. Ka jingthmu barieh pyrshah ïa u syiem ka nang jur, bad ki nongbud jong u Absalom ki nang bun.

Ka Kitab U Job 19:13

U Blei u pynlong ïa ki hynmen ki para jong nga ban iehnoh ïa nga; nga kylla long u nongwei ha kito kiba ithuh ïa nga;

Ka Kitab U Job 19:19

Ki paralok bajan tam jong nga ki peit ïa nga da ka jingisih; kito kiba nga ieit eh ki pyrshah ïa nga.

SALM 101:3

bad lano lano ruh ngan ym shah ïa kaba sniew. Nga isih ïa ki kam jong kito kiba phai noh na U Blei; ngan ym ïadon bynta ei ei bad ki.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

OBADAÏAH 1:7

Kiba ïateh lok bad phi ki la shukor ïa phi; ki la beh noh ïa phi na la ka ri. Ki briew kiba ïasuk bad phi, mynta ki la jop ïa phi. Kito ki paralok kiba ju ïabam lang bad phi, ki la pynap jingriam ïa phi; ki ong shaphang jong phi, ‘Shano kato ka jingstad-buit baroh ba u don?’

MIKAH 7:5

Wat ngeit ïa la u paramarjan ne shaniah ha la u paralok. Da husiar ïa kaei kaba phi kren wat ha la ka tnga.

MATHAÏOS 26:23

U Jisu u la jubab, “Uta uba wieh ïa u kpu ha ka pliang lem bad nga, un shetkylla ïa nga.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.