SALM 40:3 - Khasi CL Bible (BSI)

³ U hikai ïa nga ban rwai ïa ka jingrwai bathymmai, ka jingrwai ïaroh ïa U Blei jong ngi. Kiba bun kiba ïohi ïa kane kin ïoh jingmaham, bad kin buh ïa la ka jingshaniah ha U Trai.

KA BAIBL

³ Bad u la buh ïa ka jingrwai bathymmai ha ka shyntur jong nga, ka jingïaroh keiñ ïa U Blei jong ngi: shibun kin ïohi ïa ka, bad kin sheptieng bad kin shaniah ha U Trai.

SALM 40:3 ပူးပေါင်းရင်းမြစ်များ

SALM 119:133

Kumba me la kular, to sumar ïa nga na kaba kyllon; wat shah ïa nga ban jop da kaba sniew.

SALM 142:7

To pyllait ïa nga na ka jingjynjar jong nga; te ha ka jingïaseng bah jong ki briew jong me ngan ïaroh ïa me namar ka jingbha jong me ïa nga.

SALM 144:9

Ngan rwai ïa me ka jingrwai bathymmai, A Blei; ngan tem ka duitara bad rwai ïa me.

SALM 27:5

Ha ki por ka jingjynjar un ai jakarieh ïa nga; un sumar khop ïa nga ha ka Templ jong u bad pynlong skhem ïa nga ha u mawsiang bajrong.

SALM 33:3

To rwai ha u ïa ka jingrwai bathymmai, to tem da ka jingtbit ïa ka duitara, bad to risa jam da ka jingkmen!

SALM 35:27

Ai ba kito kiba kwah ban ïohi ïa ka jingpynksan jong nga kin risa da ka jingkmen, bad kin ïai-ong, “Katno Uba khraw long U Trai! uba sngewbha ha ka jingjop u shakri jong u!”

SALM 37:23

U Trai u ïalam ïa u briew ha ka lynti ba u dei ban leit, bad u ïada ïa kito kiba pynsngewbha ïa u.

SALM 52:6

Ki briew kiba hok kin ïohi ïa kane bad kin sheptieng; nangta kin rkhie ïa me bad kin ong,

SALM 69:3

Nga la thait ïan na ka jingkyang ban ïoh jingïarap, bad u pdot jong nga u pang. Nga la pynlwait ïa ki khmat jong nga, da kaba khmih jingïarap na me.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

KI KAM 4:4

Hynrei bun kiba la ïohsngew ïa ka khubor ki la ngeit; bad ka jingbun ki briew ka la roi sha kumba san hajar ngut.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.