SALM 4:3 - Khasi CL Bible (BSI)

³ To kynmaw ba U Trai u la jied ïa uba hok na ka bynta ïa lade hi, bad u sngew ïa nga haba nga khot ïa u.

KA BAIBL

³ Hynrei, to tip ba U Trai u la buh kyrpang ïa uba riewblei na ka bynta ïa lade: U Trai un sngew haba ngan kyrpad ïa u.

SALM 4:3 ပူးပေါင်းရင်းမြစ်များ

SALM 31:23

To ieit ïa U Trai, phi baroh ki riewngeit jong u, U Trai u ïada ïa kiba ngeit, hynrei u pynshitom ïa kiba sarong kumba ki dei hok.

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 49:3

Ki jingmut jong nga kin sa shai; ngan kren ïa ki ktien jong ka jingstad.

SALM 50:5

U ong, “To ïalumlang ha nga ïa ki briew baïaineh jong nga, kito kiba la pynlong ïa ka jutang bad nga da kaba ainguh da ka jingkñia.”

SALM 56:9

Ha ka sngi kaba nga khot kyrpad ïa me, ki nongshun jong nga kin phai pat. Nga tip ïa kane: U Blei u don ha ka liang jong nga —

SALM 6:8

Kiar noh na nga, phi ki riewbymman! U Trai u shahshkor ïa ka jingïam jong nga;

SALM 62:10

Wat buh ïa la ka jingshaniah ha ka jinglehbor; wat kyrmen ban ïoh myntoi ei ei da ka jinglute; wat haba ka spah jong phi ka roi, wat shaniah ha ka.

EKSODOS 33:16

Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.