SALM 38:10 - Khasi CL Bible (BSI)

¹⁰ U klongsnam jong nga u tied, ka jingkhlaiñ jong nga ka la duh, bad ki khmat jong nga ruh kim shai shuh.

KA BAIBL

¹⁰ Ka dohnud jong nga ka tied, ka bor jong nga ka duh noh na nga: wat ka jingshai ki khmat jong nga, ka ruh ka la jah noh na nga.

SALM 38:10 ပူးပေါင်းရင်းမြစ်များ

SALM 6:7

Ngam lah ban ïohi bha; ki khmat jong nga ki sieb shikatdei eh na ka jingïam kaba la pynmih da ki nongshun jong nga.

SALM 88:9

Man ka sngi nga khot kyrpad ïa me, A Trai; bad nga rah la ki kti sha me ha ka jingduwai.

SALM 69:3

Nga la thait ïan na ka jingkyang ban ïoh jingïarap, bad u pdot jong nga u pang. Nga la pynlwait ïa ki khmat jong nga, da kaba khmih jingïarap na me.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

ISAÏAH 21:4

Ka khlieh jong nga ka king, bad nga khynñiuh da ka jingsheptieng. Nga la khmih lynti ïa ka janmiet ban wan, hynrei kam shym wallam ei ei hynrei tang ka jingtriem.

SALM 119:123

Ki khmat jong nga ki thait ïan ha kaba ap ïa ka jingïarap bapynim jong me, ïa ka jingpyllait kaba me la kular.

SALM 42:1

Kumba u 'keirang u thrang ïa ka um bapjah jong ka wahduid, kumta ruh nga thrang ïa me, A Blei.

SALM 31:10

Nga la thait hi ïan da ka jingsngewsih, bad ka jingïam ka la pynlyngkot ïa ka jingim jong nga. Nga tlot na ka jingjynjar jong nga baroh; wat ki shyieng jong nga ki la duh khoit.