SALM 3:4 - Khasi CL Bible (BSI)

⁴ Nga kyang ha U Trai ban ïoh jingïarap, bad na u lum bakyntang jong u, u jubab ïa nga.

KA BAIBL

⁴ Nga kyang ha U Trai da la ka ktien, u te u pynphai ktien ïa nga na u lum bakyntang jong u. Selah

SALM 3:4 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

SALM 119:114

Me long u nongkyrshan bad u nongïada jong nga; nga buh ïa ka jingkyrmen jong nga ha ka jingkular jong me.

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

SALM 18:3

Nga khot kyrpad ïa U Trai, bad u pyllait im ïa nga na ki nongshun jong nga. Ïaroh ïa U Trai!

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 27:6

Kumta ngan ïoh jop halor ki nongshun kiba ker sawdong ïa nga. Ryngkat bad ki jingrisa jingkmen ngan ai ki jingkñia ha ka Templ jong u; ngan rwai, ngan ïaroh ïa U Trai.

SALM 28:7

U Trai u ïada bad u kyrshan ïa nga; nga shaniah ha u. U ai jingïarap ïa nga bad pynsngewbha ïa nga; ngan ïaroh ïa u bad ki jingrwai kmen.

SALM 34:4

Nga la duwai ha U Trai, bad u la jubab ïa nga, u la pyllait ïa nga na ki jingsheptieng jong nga baroh.

SALM 34:6

Ki bym don jingïarap ki kyrpad ïa u, bad u jubab; u pyllait im ïa ki baroh na ki jingjynjar jong ki baroh.

SALM 43:3

Phah ïa ka jingshai jong me bad ka jingshisha jong me; to ai ba kin ïalam ïa nga bad wallam pat ïa nga sha Seïon, u lum bakyntang jong me, bad sha ka Templ jong me, ha kaba me shong.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

SALM 84:12

A Trai Badonbor Baroh, katno suk kito kiba shaniah ha me!

SALM 89:19

Ha ka jingïohipaw la slem bah me la ong ha ki shakri baïaineh jong me, “Nga la ai ïa ka jingïarap ha u shipai uba pawnam, nga la ai ïa ka khet ha uwei uba la jied na ki briew.

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

SALM 99:9

To ïaroh ïa U Trai U Blei jong ngi, bad to mane ha u lum bakyntang jong u! U Trai U Blei jong ngi u long uba khuid.

PROBERB 2:7

U ai jingïarap bad jingïada ïa kiba hok, ki briew kiba im hok.

ISAÏAH 65:24

Wat ha shuwa ba kin dep duwai ha nga, ngan jubab ïa ki jingduwai jong ki.

SNGEWSYNEI 3:56

Bad haba nga la kyrpad ïa me ban shahshkor ïa ka jingkyang jong nga, me la ïohsngew.

MATHAÏOS 7:7

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

JAKOB 5:13

Hato don napdeng jong phi ba shem jynjar? U dei ban duwai. Hato don uba kmen? U dei ban rwai ïaroh.