SALM 17:3 - Khasi CL Bible (BSI)

³ Me tip ïa ka dohnud jong nga. Me la wan ha nga ha ka por miet; Me la ïitbniah ïa nga nadong shadong bad men shym la shem kano kano ka jingkwah basniew hapoh jong nga.

KA BAIBL

³ Me la tynjuh ïa ka dohnud jong nga; me la wan-i ïa nga mynmiet; me la tynjuh ïit ïa nga, te mem shem ei ei; nga la thmu khnang ba ka shyntur jong nga kan ym palat.

SALM 17:3 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

Ka Kitab U Job 24:14

Dang step phyrngab u nongpynïap briew u khie bad u mih ban leit pynïap ïa uba duk, bad mynmiet u tuh.

SALM 11:5

U khmih bniah ïa uba hok bad ïa u bymman kumjuh, ïa uba tamsneng u isih da ka dohnud jong u baroh.

SALM 119:106

Ngan bat ïa ka jingkular kyntang jong nga, ban kohnguh ïa ki jingbthah bahok jong me.

SALM 139:1

A Trai, me la ïit ïa nga bad me tip ïa nga.

SALM 139:23

To ïit ïa nga, A Blei, bad to tip ïa ka jingmut jong nga; tynjuh ïa nga, bad to tip ïa ki jingmut jong nga.

SALM 16:7

Nga ïaroh ïa U Trai, namar ba u kdew lynti ïa nga, bad mynmiet ka jingïatiplem jong nga ka maham ïa nga.

SALM 26:2

To ïitbniah bad tynjuh ïa nga, A Trai, bishar ïa ki jingkwah bad ki jingmut jong nga.

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

SALM 66:10

Me la buh ïa ngi ha ka jingtynjuh, A Blei; kumba ïa ka rupa la phrang da ka ding kumta me la tynjuh ïa ngi.

PROBERB 13:3

Husiar ïa kaei kaba phi ong bad ri ïa la ka jingim. Uba kren thurmur u pynjot ïa lade.

JEREMAÏAH 12:3

Hynrei, A Trai, me ithuh ïa nga; me ïohi kaei ba nga leh, bad kumno nga la ieit ïa me. To paring sharud ïa kine ki rangbah basniew kum ïa ki langbrot ki ban shah ot doh; to sumar ïa ki tad haduh ba ka dei ka por ïa ki ban shah pynïap.

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

HOSIA 7:6

Ho-oid, ki khluit kum ka tyndur da ki jingïasylla jong ki. Baroh shi miet, ka jingbitar jong ki ka nang ing, bad mynstep ka mih kynsan kum ki thylliej ding.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 16:9

Ha kata ka miet, u Paul u la ïoh ka jingïohipaw ha kaba u la ïohi ïa u nong Makedonia uba ïeng bad kyrpad ïa u, “Ale shane sha Makedonia bad ïarap ïa ngi!”

1 KORINTH 4:4

Ka jingïatiplem jong nga ka shai, hynrei kata kam pynshisha ba nga long da shisha uba lui lui. U Trai u dei uta uba bishar ïa nga.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 SAMUEL 24:10

Phi lah ban shem da lade hi ba dang myntan hapoh ka krem U Trai u la buh ïa phi hapoh ka bor jong nga. Katto katne ki rangbah jong nga ki ong ïa nga ban pynïap ïa phi, hynrei nga sngewsynei ïa phi bad ong ba ngan ym pynmynsaw ïa phi, namar phi dei uta uba U Trai u la jied ban long syiem.

1 SAMUEL 24:12

To U Trai un bishar mano ba bakla napdeng jong ngi! To un pynshitom ïa phi namar ka jingleh jong phi pyrshah ïa nga, naba ngan ym pynmynsaw ïa phi da lei lei ruh.

1 SAMUEL 26:11

Da lei lei U Trai un ym shah ïa nga ban pynmynsaw ïa uta uba U Trai u la pynlong syiem! To ngin ïashim ïa une u sum bad une u khiew um jong u, bad ïa ngin ïaleit noh.”

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.