SALM 137:3 - Khasi CL Bible (BSI)

³ Kito kiba la ringmraw ïa ngi ki ong ba ngin rwai; ki ong ïa ngi ba ngin pynsngewbha ïa ki: “To rwai ha ngi ïa ka jingrwai shaphang ka Seïon.”

KA BAIBL

³ Naba hangta kita kiba la ring mraw ïa ngi ki la pan ki jingrwai na ngi, bad kita kiba la pynjot ïa ngi ki la pan ïa ka jinglehkmen, ki ïa-ong, “To rwai ha ngi na ki jingrwai Seïon.”

SALM 137:3 ပူးပေါင်းရင်းမြစ်များ

1 KHRONIKL 15:27

U Dabid u kup da ka jaiñ linen bani, bad kumjuh ruh ki nongtem nongput, u Khenanaïah u nongïalam jong ki, bad ki Lebi kiba rah ïa ka Synduk. U Dabid u phong ruh ïa ka ephod ba la suh da ka linen.

1 KHRONIKL 16:7

Ka long naduh kata ka por ba u Dabid u la ai nyngkong eh ha u Asaph bad ki para Lebi jong u ïa ka jingkitkhlieh na ka bynta ki jingrwai ïaroh ïa U Trai.

NEHEMAÏAH 4:2

Ha khmat ki paralok jong u bad ki shipai Samaria u ong, “Kaei, kine ki Jiw shem-lanot, ki tharai ba ki leh? Hato ki pyrkhat ba da ka jingkñia jingainguh ki lah ban pyndep ïa ka kam ha ka shi sngi? Hato ki lah ban pynlong ïa ki maw jingtei na ki kynton jong ki synrum ba la ing?”

SALM 65:1

A Blei, ka long kaba dei ïa ngi ban ïaroh ïa me ha Seïon bad pyndep ïa ki kular jong ngi ha me,

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

SALM 80:6

Me la shah ïa ki jaitbynriew kiba don sawdong ban ïaleh ïa ka ri jong ngi; ki nongshun jong ngi ki rkhiebeiñ ïa ngi.

SALM 9:14

ba nga lah ban ïeng ha khmat ki briew ka Jerusalem bad ïathuh ha ki ïa kiei kiei baroh kaba na ka bynta jong ki nga ïaroh ïa me. Ngan shadkmen namar me la pynim ïa nga.

PROBERB 25:20

Kaba rwai jingrwai ha u briew uba khuslai mynsiem ka long kumba loit noh ïa ki jaiñ jong u ha ka por khriat lane kum kaba kyllan mluh ha ka jingmong.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

LOUKAS 21:6

U Jisu u la ong, “Kane baroh kaba phi ïohi — ka por kan poi ha kaba yn ym iehnoh hangne ïa uwei ruh u maw ha ka jaka ba u don; ïa uwei uwei baroh yn bret sha tbian.”