SALM 113:4 - Khasi CL Bible (BSI)

⁴ U Trai u synshar halor ki jaitbynriew baroh; ka burom jong u ka don halor ki bneng.

KA BAIBL

⁴ U Trai u long uba hajrong ha khlieh ki jaid bynriew baroh, bad ka burom jong u ha khlieh ki bneng.

SALM 113:4 ပူးပေါင်းရင်းမြစ်များ

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

SALM 148:13

Ai ba ma ki baroh kin ïaroh ïa ka kyrteng jong U Trai! Ka kyrteng jong u ka kham khraw ban ïa baroh kiwei pat; ka burom jong u ka long halor ka pyrthei bad ka bneng.

SALM 8:1

A Trai, U Trai jong ngi, ïa ka jingkhraw jong me la ïohi ha ka pyrthei baroh! Ka jingïaroh jong me ka kot haduh ki bneng;

SALM 97:9

A Trai Badonbor Baroh, me long u nongsynshar ha ka pyrthei baroh; me kham khraw palat ban ïa ki blei baroh.

SALM 99:2

U Trai u long uba khlaiñbor ha Seïon; U long uba hakhlieh tam halor ki jaitbynriew baroh.

ISAÏAH 40:15

Ha U Trai ki jaitbynriew kim long ei ei, ym don wat tang shi jaw ka um; ki dewlynnong ba sha jngai ki sting kum u pui pui.

ISAÏAH 40:17

Ki jaitbynriew kim long ei ei satia ha u.

ISAÏAH 40:22

La thaw ïa ka da uta uba shong halor ka khet jong u shajrong ka khyndew bad sha lyndet ka sahit bneng; ki briew shapoh ki i rit tang kum ki dkhiew. U pynpyiar ïa ka suiñbneng kum ka pyrda, kum ka ïingjaiñ ha kaba yn shong.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?