SALM 100:3 - Khasi CL Bible (BSI)

³ To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

KA BAIBL

³ To tip ba U Trai u long U Blei: long ma u uba la thaw ïa ngi, bad ngi long ki jong u; ngi long ki briew jong u, bad ki langbrot ka jaka phlang jong u.

SALM 100:3 ပူးပေါင်းရင်းမြစ်များ

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

1 KHRONIKL 16:14

U Trai u long U Blei jong ngi; ki hukum jong u ki long na ka bynta ka pyrthei baroh.

Ka Kitab U Job 10:3

Hato ka long kaba dei ïa me ban lehbeiñ katne katne? Ban ñiewbeiñ ïa uta uba me hi me la thaw? Bad nangta ban phuh samrkhie ha ki jingthmu ki riewbymman?

SALM 119:73

Me la thaw ïa nga, bad me sumar ïa nga; to ai ha nga ka jingshemphang, khnang ba ngan lah ban nang ïa ki aiñ jong me.

SALM 12:4

“Da ki kyntien jong ngi, ngi ïoh ïa kaei kaba ngi kwah. Ngin kren ïa kaei kaba ngi mon, bad ym don mano mano ba lah ban pynsangeh ïa ngi.”

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 78:52

Nangta u la ïalam shabar ïa ki briew jong u kum u nongap langbrot bad u la ïalam lynti ïa ki lyngba ka ri shyiap.

SALM 79:13

Nangta ma ngi, ki briew jong me, ki langbrot jong ka kynhun langbrot jong me, ngin ainguh ïa me junom bad ïaroh ïa me ha ki por ki ban wan baroh.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKLESIASTIS 12:1

Kumta to kynmaw ïa la U Nongthaw katba phi dang samla ha shuwa ka jingwan kito ki sngi bad ki snem ba-dum ha kaba phin ong, “ngam sngewtynnat ïa ka jingim.”

ISAÏAH 63:11

Hynrei nangta ki kynmaw ïa ki por kiba mynshuwa, ïa ki sngi u Moses, u shakri U Trai bad ki kylli, “Hangno mynta u don U Trai, uba pyllait im ïa ki nongïalam jong ki briew jong u na ka duriaw? Hangno u don U Trai, uba la ai ïa U Mynsiem jong u ha u Moses?

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

DEUTERONOMI 7:9

To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 PETROS 4:19

Kumta te, kito kiba shahshitom namar ba ka long ka mon U Blei ïa ki, ki dei da la ki kam babha ban shaniah tylli ïa lade ha U Nongthaw jong ki, uba ïai bat ïa la ka jingkular.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.