RUTH 4:13 - Khasi CL Bible (BSI)

¹³ Kumta u Boas u shim ïa ka Ruth sha la ïing kum ka tnga jong u. U Trai u la kyrkhu ïa ka, bad ka la punkhun, bad ka la kha khun shynrang.

KA BAIBL

¹³ Kumta u Boas u la shim ïa ka Ruth, bad ka la long ka tnga jong u; bad haba u la leit shapoh sha ka, U Trai u la ai ïa ka, ïa ka ban punkhun, bad ka la kha u khun shynrang.

RUTH 4:13 ပူးပေါင်းရင်းမြစ်များ

JENESIS 20:17

Namar kaei kaba la jia ha ka Sarah, ka tnga jong u Abraham, U Trai u la pynlyngki ïa ki kynthei baroh ha ka ïingsyiem jong u Abimelekh. Kumta u Abraham u duwai na ka bynta u Abimelekh, bad U Blei u la pynkhiah ïa u. U la pynkhiah ruh ïa ka tnga jong u, bad ïa ki mraw kynthei jong u, ba kumta ki ruh ki lah ban ïoh khun.

JENESIS 25:21

Namar ba ka Rebekka kam ïoh khun, u Isaak u la duwai ha U Trai na ka bynta jong ka. U Trai u la jubab ïa ka jingduwai jong u, bad ka Rebekka ka la punkhun.

JENESIS 29:31

Haba U Trai u ïohi ba ka jingieit ka kham duna ïa ka Leah ban ïa ka Rakhel, u la pynlah ïa ka ban ïoh khun, hynrei ka Rakhel ka ïailong kaba khlem khun.

JENESIS 30:2

U Jakob u la sngewbitar ïa ka Rakhel bad u ong, “Ngam lah ban shim ïa ka jaka U Blei. Dei ma u uba khang ïa pha ban ïoh khun.”

JENESIS 33:5

Haba u Iso u phai sawdong, bad u ïohi ïa ki kynthei bad ïa ki khynnah, u ong, “Kiei kine ki briew kiba bad phi?” U Jakob u jubab, “Kine, kynrad, ki dei ki khun kiba U Blei u la sngewbha eh ban ai ïa nga.”

SALM 113:9

U pyndonburom ïa ka tnga ka bym don khun ha ka ïingshong jong ka; u pynkmen ïa ka da kaba ai ki khun ha ka. A to ïaroh ïa U Trai!

SALM 127:3

Ki khun ki long ka jingai sngewbha na U Trai; ki long shisha ka jingkyrkhu.

RUTH 3:11

Ruth, mynta wat khuslai. Ngan leh ïa kaei kaei baroh kaba phi pan; kumba baroh ha shnong ki ïatip, phi dei ka kynthei kaba donburom.

RUTH 4:12

To ki khun ki kti kiba U Trai un ai ïa phi da kane ka theisamla kin pynlong ïa ka longïing jong phi kum ka longïing u Peres, u khun jong u Judah bad ka Tamar.”

1 SAMUEL 1:27

Ïa une u khunlung nga la pan na u, bad u la ai ha nga ïa kaba nga la pan.

1 SAMUEL 2:5

Kito kiba la im pahuh pahai shisien mynta ki leit bylla ban ïoh bam, hynrei kito kiba thngan kim thngan shuh. Ka briew kaba lyngki ka ïoh khun hynñiew ngut, hynrei ka kmie kaba bun ki khun ka sah marwei.