RUTH 4:12 - Khasi CL Bible (BSI)

¹² To ki khun ki kti kiba U Trai un ai ïa phi da kane ka theisamla kin pynlong ïa ka longïing jong phi kum ka longïing u Peres, u khun jong u Judah bad ka Tamar.”

KA BAIBL

¹² To ka ïing jong me kan long kum ka ïing u Phares, ïa uba la kha ka Tamar ha u Judah, na uta u symbai ba U Trai un sa ai ha me na kane ka samla.”

RUTH 4:12 ပူးပေါင်းရင်းမြစ်များ

JENESIS 38:29

Hynrei uta u pynran noh pat ïa la ka kti, bad kumta la kha shuwa ïa u para jong u. Kata ka nongpynkha khun ka ong, “Da kumne mo me wan mih!” Kumta la khot kyrteng ïa u, u Peres.

JENESIS 46:12

U Judah bad ki khun shynrang jong u: u Shelah, u Peres, bad u Serah. (Kiwei pat ki khun shynrang jong u Judah: u Er bad u Onan ki la ïap noh ha Kanaan); ki khun shynrang jong u Peres ki long u Hesron bad u Hamul.

1 KHRONIKL 2:4

Na ka Tamar ka pyrsa kurim jong u, u Judah u don sa ar ngut ki khun shynrang, u Peres bad u Serah.

MALAKHI 2:15

Hato U Blei um shym la pynlong ïa phi kawei ka met bad mynsiem bad ka? Kaei ka jingthmu jong u ha kane? Ka long ba phi dei ban don ki khun kiba long ki briew jong U Blei da shisha. Te pynthikna ba yn ym don na phi uba pynkheiñ ïa la ka jingkular ha ka tnga jong u.

RUTH 4:18

Kane ka dei ka jinghiarpateng ka longïing na u Peres haduh u Dabid; U Peres, u Hesron, u Ram, u Amminadab, u Nahshon, u Salmon, u Boas, u Obed, u Jesse, u Dabid.

1 SAMUEL 2:20

Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.