RUTH 4:1 - Khasi CL Bible (BSI)

¹ U Boas u leit sha ka jaka ïakynduh lang ha ka khyrdop shnong bad u shong hangta. Nangta u kur uba ïajan eh jong u Elimelekh, u briew uba u Boas u la ïathuh, u la wan ïaid nangta, bad u Boas u khot ïa u, “Ko paralok, wan ban shong hangne.” Kumta u la leit ban shong hangta.

KA BAIBL

¹ Ynda kumta, u Boas u la leit kiew sha ka khyrdop, bad u la shong hangta: te ha khmih, uta u kur bajan ba u Boas u la kren shaphang jong u, u la ïaid nangta; te u la ong ha u, “Ko uba kumta kumta! ale shane, shong hangne.” U te u la leit shata, bad u la shong.

RUTH 4:1 ပူးပေါင်းရင်းမြစ်များ

JENESIS 19:1

Haba kita ki ar ngut ki angel ki la poi ha Sodom ha ka por janmiet, u Lot u dang shong ha ka khyrdop jong ka nongbah. Haba u tang shu ïohi ïa ki, u ïeng joit ban leit ïashem ïa ki.

JENESIS 23:10

U Ephron hi u la shong lem bad kita kiwei pat ki Hit ha ka jaka ba ju long dorbar ha ka khyrdop jong ka nongbah; u la jubab ha ka jingïohsngew jong uwei pa uwei baroh hangta,

JENESIS 34:20

U Hamor bad u Shekhem u khun jong u ki la leit sha ka jaka long dorbar ha ka khyrdop shnong bad ki kren ha la ki para shnong;

2 SAMUEL 15:2

U ju khie dang step phyrngab bad u ju leit ïeng harud lynti ha ka khyrdop shnong. Haba uno uno u briew u wan hangta bad ka jingïakajia kaba u kwah ïa u syiem ban pynbeit, u Absalom u ju khot ïa u, bad kylli ïa u, u dei uba nangno. Bad hadien ba u briew u la ïathuh ïa u na kano ka jait u dei,

2 KHRONIKL 18:9

Baroh ar ngut ki syiem, ba la riam ha ki jingphong syiem, ki shong halor ki khet jong ki ha ka jaka shoh kew kaba don shabar ka khyrdop jong ka Samaria, bad baroh ki nongïathuhlypa ki ïathuhlypa ha khmat jong ki.

Ka Kitab U Job 29:7

Haba ki rangbah jong ka nongbah ki ïakynduh lang nga long uwei napdeng jong ki,

Ka Kitab U Job 31:21

Lada nga la kum shukor ïa u khunswet, da kaba tip ba ngan ksan ha khmat ka ïingbishar,

SALM 69:12

Ki ïakren shaphang jong nga ha ki lynti bah, bad kiba buaid ki thaw ki jingrwai shaphang jong nga.

PROBERB 31:23

U tnga jong ka u long uba la ithuh bha, bad u long uwei na ki nongshong shnong uba pawkhmat.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

JEREMAÏAH 32:10

Nga la soi bad shon muhor ïa ka dulir, bad la sakhi ïa ka, bad la thew ïa ka pisa ha ka tarajur.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.

DEUTERONOMI 17:5

Lada ka long kaba shisha ba kum kata ka kam bymman ka la jia ha Israel, ïalam ïa kita ki briew shabar ka khyrdop shnong bad lynthem maw ïa ki haduh ba kin da ïap.

DEUTERONOMI 21:19

ki kmie ki kpa jong u kin leit ïalam ïa u ha khmat ki nongïalam jong ka shnong ha kaba u shong ban pynïeng ha khmat ka jingbishar,

DEUTERONOMI 25:7

Hynrei lada u para jong uta uba la ïap um mon ban shongkurim ïa ka, ka dei ban leit ha khmat ki nongïalam shnong bad ban ong, ‘U para kynsi jong nga um treh ban pynneh ïa ka kyrteng u hynmen jong u hapdeng ki Israel; um mon ban pyndep ïa la ka kamram.’

JOSHUA 20:4

U lah ban phet ïap sha kawei na kine ki nongbah, un leit sha ka jaka bishar ha ka khyrdop sha ka nongbah, bad batai ha ki nongïalam ïa kaba la jia. Nangta kin shah ba un rung shapoh ka nongbah bad kin ai jaka sah ïa u, ba kumta u lah ban shong ban sah hangta.

RUTH 3:12

Ka long kaba shisha ba nga dei u ba-ha-ïing uba kham ïajan bad ba nga don jingkitkhlieh na ka bynta jong phi, hynrei don u briew uba dei u ba-ha-ïing uba kham ïajan ban ïa nga.

RUTH 3:18

Ka Naomi ka ong ha ka, “Ruth, ïaishah mynta, tad haduh ba phin da ïohi kumno kane baroh kan sa long. U Boas un ym shongthait mynta ka sngi tad haduh ba un da pyndep ïa kane ka kam.”