RUTH 3:9 - Khasi CL Bible (BSI)

⁹ “Pha dei kaei?” u kylli. “Kynrad, nga dei ka Ruth,” ka jubab. “Namar ba phi dei u ba-ha-ïing uba ïajan eh, phi don jingkitkhlieh ban ri sumar ïa nga. Kumta sngewbha ban shongkurim ïa nga.”

KA BAIBL

⁹ Te u la kylli, “Mano?” Ka te ka la ïathuh, “Nga ka Ruth ka shakri jong me: namar kata, to tap ïa la ka jaiñ halor ka shakri jong me; naba me long u kur jong nga uba hajan.”

RUTH 3:9 ပူးပေါင်းရင်းမြစ်များ

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

RUTH 2:20

“To U Blei un kyrkhu ïa u Boas!” ka Naomi ka pyrta. “U Trai borabor u bat ïa la ki kular ha kiba im bad kiba ïap!” Bad ka ong shuh shuh, “Uta u briew u dei u ba-ha-ïing uba jan eh jong ngi, uwei na kito kiba kitkhlieh ban ri sumar ïa ngi.”

RUTH 3:10

“U Trai un kyrkhu ïa phi,” u ong. “Phi pyn-i ka kamram kaba khraw kaba ïadei bad ka longïing ha kaei kaba phi leh mynta ban ïa kaei kaba phi la leh ïa la ka kiaw kurim. Phin jin da la leit wad ïa u rangsamla, la u dei uba riewspah ne uba duk, hynrei phim shym leh kumta.

RUTH 3:12

Ka long kaba shisha ba nga dei u ba-ha-ïing uba kham ïajan bad ba nga don jingkitkhlieh na ka bynta jong phi, hynrei don u briew uba dei u ba-ha-ïing uba kham ïajan ban ïa nga.

RUTH 3:8

Ha ka por mynmiet u kyndit thiah kynsan, u phai, bad u lyngngoh ban shem ïa ka kynthei kaba thiah ha ki kjat jong u.

RUTH 4:4

bad nga pyrkhat ba phi dei ban tip shaphang kane. Te mynta, lada phi kwah ïa ka, to thied ïa ka ha kaba ïadon lang kine ki rangbah kiba ïashong hangne. Hynrei lada phim kwah ïa ka, to ong kumta, namar ka hok ban thied ïa ka, ka dei nyngkong eh ka jong phi bad nangta pat kan dei ka jong nga.” Uta u briew u ong, “Ngan thied ïa ka.”

RUTH 4:6

Uta u briew u jubab, “Lada ka long kumta, ngan iehnoh ïa ka hok jong nga ban thied ïa ka lyngkha, namar kan mut ba ki khun ki kti jong nga kin ym ïohkynti ïa ka. Thied noh ma phi; nga te ngam treh.”

1 SAMUEL 25:41

Ka Abigail ka dem ngon ha khyndew bad ka ong, “Nga long ka shakri jong u, kaba kloi ban sait ïa ki kjat jong ki shakri jong u.”