RUTH 3:7 - Khasi CL Bible (BSI)

⁷ Haba u Boas u la dep bam dep dih, u la don ha ka jingsngewtynnat bha. U leit sha ka kynton barli bad u thiah hangta. Ka Ruth ka leit jar jar, ka khyllied ïa ki jaiñ tap bad ka thiah ha ki kjat jong u.

KA BAIBL

⁷ Bad haba u Boas u la bam u la dih ruh, bad ka dohnud jong u ka la kmen, u la leit thiah noh harud kata ka kynton Kew: ka ruh ka la wan jar jar, bad ka la khyndied ïa ki sla'jat jong u, bad ka la thiah.

RUTH 3:7 ပူးပေါင်းရင်းမြစ်များ

JENESIS 43:34

La sam jingbam ïa ki na ka miej u Joseph, bad ïa u Benjamin la sam san shah ban ïa uno uno na ki. Kumta keiñ ki la ïabam ïadih bad leh sngewbha bad u Joseph.

2 SAMUEL 13:28

bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

1 SYIEM 21:7

“Haba kumta, phi dei ne phim dei u syiem?” Ka Jesebel ka jubab, “To khie joit na jingthiah, lehkmen bad to bam. Ngan pynïoh ha phi ïa ka bri sohwaiñ u Naboth!”

ESTHER 1:10

Ha ka sngi kaba hynñiew jong ka jingkhawai jong u, u syiem u dang dih bad sngewkmen, kumta u khot ïa ki hynñiew ngut ki ïunukh kiba long ki shakri ba ju shakri ha syndah jong u, ïa u Mehuman, u Bistha, u Harbona, u Bigtha, u Abagtha, u Sethar bad u Karkas.

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

EKLESIASTIS 10:19

Ka jingbam khawai ka pynkmen ïa phi bad ka waiñ ka pyndap jingkmen ïa phi, hynrei phin ym ïoh ïa kano kano na kine khlem ka pisa.

EKLESIASTIS 2:24

Kaba bha tam kaba u briew u lah ban leh ka long ban bam bad dih bad ban lehkmen ïa kaei kaba u la kamai. Bad wat la katta, nga la sngewthuh ba wat kane ka wan na U Blei.

EKLESIASTIS 8:15

Kumta nga la pdiang ba u briew u dei ban pynsngewbha ïa lade namar ka jingpynsngewbha kaba tang ma ka kaba u ïoh ha kane ka jingim ka long ka jingïabam bad ka jingïadih bad ka jinglehsngewbha ïa lade. U lah la kumno kumno ban leh ïa kane katba u trei ha ka jingim kaba U Blei u la ai ha u ha kane ka pyrthei.

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

NONGBISHAR 19:22

Katba ki dang pynsngewbha ïa lade kumta, kynsan kynsan la don ki riewthala na kata ka shnong ki kerkut ïa kata ka ïing, ki da tied tyngeh ïa ka jingkhang. Ki ong ha uta u tymmen, “Sei shabar ïa uto u briew uba rung ha ïing jong phi! Ngin ïathiah shongkha bad u!”

NONGBISHAR 19:6

Kumta kita baroh ar ngut ki shong bad ki ïabam ïadih lang. Nangta u kpa kata ka kynthei u ong ha u, “Sngewbha sahmiet noh hangne bad pynsngewbha ïa lade.”

NONGBISHAR 19:9

Haba uta u briew, ka tnga kliar jong u, bad u shakri jong u sa shisien ki khreh ban leit noh, u kpa u ong, “Khmih, ka sngi ka la jan sep; kan bha ba phin sah sa shi miet. Kan sa dum shen; sah hangne bad pynsngewbha ïa lade. Lashai phi lah ban khie dang step ban leit ha ka jingleit sha la ïing.”

RUTH 3:6

Kumta ka Ruth ka leit sha ka jaka dung kew bad ka la leh ïa kaei kaba ka kiaw kurim jong ka, ka la bthah ïa ka.

RUTH 3:8

Ha ka por mynmiet u kyndit thiah kynsan, u phai, bad u lyngngoh ban shem ïa ka kynthei kaba thiah ha ki kjat jong u.