RUTH 2:2 - Khasi CL Bible (BSI)

² Ha kawei ka sngi ka Ruth ka ong ha ka Naomi, “Shah ba ngan leit sha ki lyngkha ban tam ïa u kew ba ki nongot ki ieh. Nga thikna ban shem u briew u ban shah ïa nga ban trei bad u.” Ka Naomi ka ong, “Khie leit, ko khun jong nga.”

KA BAIBL

² Te ka Ruth ka nong Moab ka la ong ha ka Naomi, “To shah ïa nga ba ngan leit sha lyngkha, ban tam Kew nadien uta ba ngan shem sngewbha ha khmat jong u.” Ka ruh ka la ong ha ka, “Khie leit, khun.”

RUTH 2:2 ပူးပေါင်းရင်းမြစ်များ

JENESIS 32:6

Ynda kita ki nonglamktien ki la wan phai pat sha u Jakob, ki ong, “Ngi la leit ïashem ïa u Iso u hynmen jong phi, bad u la don ha lynti ban wan ïashem ïa phi. U don sawspah ngut ki rangbah bad u.”

LEBITIKOS 19:10

Wat leit phai shuh sha ka brisoh ban khar ïa ki sohwaiñ ba la iehnoh lane tam ïa kito ki sohwaiñ kiba la hap; ieh ïa ki na ka bynta kiba duk bad ki nongwei. Nga long U Trai U Blei jong phi.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

LEBITIKOS 19:9

“Haba phi lum ïa ki jingmih na ki lyngkha jong phi, wat ot ïa u kew uba don ha ki tduh jong ki lyngkha, bad wat leit ban ot ruh ïa u sohkew uba sah hadien ba phi la lum.

LEBITIKOS 23:22

“Haba phi lum ïa ki jingmih na ki lyngkha jong phi, wat ot ïa u kew uba ha tduh jong ki lyngkha, bad wat leit kylla dien ban khar ïa ki sohkew kiba sah; ieh ïa ki na ka bynta kiba duk bad ki nongwei; Nga long U Trai U Blei jong phi.”

RUTH 2:3

Kumta ka Ruth ka leit sha ki lyngkha bad ka ïaid nadien jong ki nongot, ka da tam ïa u kew uba ki ieh. Ka leit jia ryngkhat ba ka don ha ka lyngkha kaba dei ka jong u Boas.

RUTH 2:7

Ka kyrpad ïa nga ban shah ba kan bud nadien jong ki nongot bad tam ïa u kew. Ka la trei naduh dang step phyrngab bad dang myntan ka shongthait shipor hapoh ka jingkahtngen.”

1 SAMUEL 1:18

“A ba phin da pyrkhat sngewlem ïa nga kumta man ka por,” ka jubab. Nangta ka leit noh, ka bam ka dih, bad kam shym leh sngewsih shuh.